كنت احسب ان الصدق ف الدنيا كثير... وان الوفا والطيب أو بعضه موجود في كل القلوب ان ما انولد بقدرة الله بينوجد ان انفتحله باب وما ان انقفل ...كانت توقعاتي بالسعاده اكثر من طموحه..كان التفاؤل بالابتسامه يسكن كل تفاصيلي... كنت اعتقد انه مثل ما قلبي يحن ولكل المخاليق يشتاق كنت اقول اننا كلنا شخص واحد وروح وحده قسمت فاجساد وقت الميلاد ..

يا ربي وش هالغباء ؟؟!!.. الكون ماهو وردة بيضاء تزف لك كل الرياح الطيبة.. هالكون ماهو كون من دون موت وحياة ويستحيل يتوازن مستوى الملح ف داخلك من دون سكر وش يصير اذا اختل التوازن ؟؟ لا ابتسامه بارده لا خداع ولا غدر ولا رتوش.. معادلة ناقصة او تساوي لا وجود
وش بفيد البرق لانساه الرعد وش يفيد ووش يفيد..وش تفيد دموع ما عنها احد ليه تسكب ...وش يفيد اني احزنك وابكيك .. قلي وش يفيد النوح ولطم الخدود ومتابع اخبار قلبك فالجرايد.. وش يفيد كل هذا وهذا كله دام قلبي وقع اوراق انساحابه بكل برود ..

تدري فايام الصغراني كنت عن السحر اسمع .. وعن هوى ما قدر يمنعه احد.. وعن قلب انقاد لقلب بدون احساس وشعور..
وكنت اضحك واجول ماله وجود .. لين ما ربي كتب التقي عيونك وينجبر قلبي فيها جبر ..ما ادري ربي هو ثواب أوعذاب هو حساب ادفعه او هو جواب الاسئلة !! كلي قهر....

لا هذا اكتشاف للحياة هذا وهذا..؟؟ هذا الصبر هذا الصدق هذا التواضع والحلم هذا الصفح هذا البشربين انصاف البشر ..
الهموم اللي مضت و الدموع اللي جرت ..والالم ساعة الجرح ونزيفه ... ما عاد يلزمني وما عاد قلبي يتحمل يطير لسابع سما ويسقط ف آخر أرض .. يا روح المساء .. القضيه شائكة والمحامي قرر التنازل بدون تعب ولا اتعاب المدعي ..
هذي انا كل ما حن الهوى يرتسم وجه عابس يقفل كل المداخل والمنافذ فلا سعاده تزورني ولا ازورها ابدا ...لا تمشي بين القبور ولا تطأ الجمر فتهلك
وهذا انا وببقى انا مثل ما انا وحتى لو ما كنت انته معي اكيد ببقى انا معي !!!!..........

[align=center] HIND
[/align] 27/10/ 2006