بشرى لشعراء الشعر النبطى وجدنا لهم ما يبيض الوجه ويستقطبهم ويلبى حاجاتهم ورغابتهم

وجدنا من بين ما وجدناه فى الشنطة الاولى هذه المجموعة الشعرية للشاعر عبدالله الحميدى

قراءة ممتعة ولنا لقاء اخر إن شاء الله مع عبدالله جديد



[align=center]

((قلوب كثار ))


الايام طالـت .. والزمـن صايـراً/ ثرثـار
درى وامتحنّا .. وانكشـف سرّنـا المكنـون
ترى الحـزن للـي يدخلـه كنّـه / الافكـار
هذا ايشدّكـ..الـهذا ..ولاينـدري وشلـون؟
تعبنـا مـن الحـروة ..وتذويبـنـا بالـنـار
والى اليوم والحروة/ ابنفس الطعـم واللـون
غفت ساعتي/عامين..والوقت كـان/ اصفـار
وصحت ساعتي..ولاادري.. الناس هم يدرون؟
ابجنب الظلوع..لعابـر الوقـت يبقـى غبـار
نفضت,ونفضت..وعيّ يطلع/ ورحت ابهـون
انا/ مابـصدري قلـب واحد..قلـوب كثـار
واذا مر طاري بعض خلـق الله/ ايصيحـون
مافي اقشـر مـن الشـوق بالبعـد/ ياستـار
تحسّ انـك اليـا اشتقت..مابالجفـون عيـون
مابي اعرف انا وين والا وش اللـي صـار؟
تعبنـا مـن التدقيق..يكفي..تعبـنـا ظـنـون
ياكـلّ الظنـون الخيّره..لـي عنـدك ثــار
قولي: هـذا يستهبل..وابقـول: لا..مجنـون
انا ويش مذهبني..سـوى عشقـك اليـا ثـار
وغدت سكتتي/تعبيري..وخاطـري مسجـون
وتغميضتـي تغميضـة الـكـاذب العـيّـار
وشرايينـي تنتظـرك ولـو جيتي/مايسلـون
خـذوا انتظـارك عادة..ومـرت الاقــدار
وهالحين حتى لـو تجيـن انتي..مايشوفـون
علـى وجيهنـا الحيرة..لهـا غيمـة ومنثـار
وافـبعض الهروج يحول دون اللسان/سنـون
واذا قاهرك..بـرود دمـي فـانـا محـتـار
انا احياناً..اقهرني .. ولو هو من ادنى الـدون
وانا احبنـي واعشقنـي.. وسمهـا استكبـار
انا حـر باحساسي..وشكـرا ً لـي وممنـون
ولاني احبك انتي بالـذات ..صـرت اغـار
احس اني المحظوظ وحدي... ابكـلّ الكـون

[/align]


[align=center]

(( حكاياتي ... طواري))



اصد ... مانظرك... وانت مدمعك غارق
واشغلت نفسي .. عشان اشوف لك صرفه
العصر مرّ امس .. ليل وبرد ومفارق
واللي يوادعني امس .. إنسان ماعرفه
كان ايتقوّى .. علي وخاطري ضايق
احزنّي .. وكان حزنه من طرف طرفه
وامكسّر .. بغرفتي .. لاباب .. لاطارق
ومن زود حريته ..واقف على الشرفه
حتى الغلا الاولاني .. ماغدا فارق ..
واللي اندمل من جروحي .. عاوده نزفه
واللي امس ..لو انّه انت .. انا ماني مفارق
وعلى كثر ماجهلني ..كنت ماعرفه

[/align]



[align=center](( حبك.هو العلم يرفع بيتي بلا عمد !!!! ))


سحب شعره من عجينه.. تسحبيـن النكـد
اليا وصلتي.. وراسي طار عنه العمس !!
غلاك لـي الهـوا والمـا وكـل المـدد
انتي بقلبي لحالـك انتي..انتـي. وبـس!!
حبك هو العلـم.. يرفـع بيتـي بلاعمـد
اللي يحبك هو {العالِم} ولـو مـادرس!!!
نومٍ على ذراع غيـرك.. نـوم ماينرقـد!
مثل السهر مايريح جفنـي اليـا نعـس!!
اتنفسك {بالشهيق} ولااقدر {ازفرك} ابـد!!
خايف {اضيعك} وبدونك ماارد النفـس!!!
خطاك لاجـا بقصـد اقـول ماينقصـد..
وان كان من غير قصد اقول {مزحة ونس}
اليا دخلتـي مكـانٍ فيـه فوضـى ركـد
كنك تقولي لهم { ماودي اسمع نفـس }!!!
اعد شوقي يصيـر {الـلا نهايـه .عـدد}
في كل لحظه لدارك..شوق منـي طـرس
شفتي السحابه اليا جت في بروق ورعـد
مثلك اليا جيتي وفزيت من دون احـس!!
والا فرس. نسـل خيـل اصيلـة بالهـدد
لاتزعلي يافرس... لاتزعلي يافـرس !!! [/align]

[align=center]
(( الليل الأحـــمر ))

رايح .. ولكن بعد ما تنتهي الحيره
اليوم فيني قصيده..مابي اكتبها
واذا طلعت غصب عني..جعلها خيره
بشققق اوراقها..وانسى اني صاحبها
من بين الاجفان..للنيران ..تجميره
والليل الاحمر..كسى العين وحواجبها
واا ..وجهي الاسمر..اللي مل تصبيره
وكثرت صدوده..الياملّ..وتغايبها
واثق / لين..إضحاكته عليه..احد غيره
ومهتزّ/ لين إن نفسه..ليل يرعبها
كتوم ..من كثر مايكتم اساريره
يحسّ في شفته .. قلبٍ يحاسبها
كم انفهم بالخطا ؟ ! .. واخطت معاذيره
واكثر مايحكي..نوايا /مايرتبها
يضحك ويسفه.. ويستنكر مشاويره
ويغني لاذنٍ..مغير غناه عاجبها
ماهو انا..هذا واحد مات من حيره
واللّي اذبحته ..قصيده ماهو كاتبها [/align]

[align=center]

(( شفاف ))



قل : ياقصر الليل بعدك ..وياقصر النهار
ودي اعرف باقي الوقت بعدك .. وين يروح ؟ !
حايره نفسيتي..ماشيه بالإنجبار
كنها : سحاب..ماكنها نزعات روح
نوب تتعبني على شي..هو اصلاً ماصار
ماينسّيها..الاّ..لين اذكّرها ..الجروح
ضمّها صدرٍ يضمّ بعروقه..دمّ حارّ
كل ماحسّيت بالبرد..احسّ انّه يفوح
اطول حد لبالي..مايقضي بعض الانتظار
لو اهدّي..ارجع اكثر من الاوّل..جموح
مابقى للاسئله بانتباهي..إعتبار
من كثر ماصرت شفّاف / مايحتاج ابوح
والغلا ..بالغيبه اقسى .. ووحشاته دمار
واللي مايضحك لضحكك..ماناح ولو تنوح
ياصديقٍ صار يوحشني..بالمرّه/مرار
بنصحك .. لو لك حبيب..ونوى بعد ونزوح
كان شفت انك.. تبي تقضي الوقت انتظار
مالك..الاّ : تكرهه ..قبل يقتلك ويروح




[/align]

إن نالت الاستحسان نكمل بقية الديوان وإن أخفقت فقد توقفت


الان قد وفقنا الى نشر ست مواضيع وبذلك يكون عدد الموضوعات المنقولات المنتظره دورها فى النشر ( 12235994 ) موضوع

ننشرها إن شاء الله كلها بالتتابع.

تابعوها

دوما