ابتدى عذابي في الحب من سنين
ومد قلبي في بحر الهوى شراعه ..
لبنتن تبث في روحي الاكسجين
وتورد لقلبي اغلى بضاعه ..
من محبه وعذاب وامل وحنين
من تبعد عني تنقلب دنياي في ضياقه..
كوتني بنار دلعها يا معين
من غلاها سميتها اخت قلبي بالرضاعه ..
يا أم هزاع احبك رغم كل الأنين
امتلكت كنز حبك بود وقناعه ..
ليتك تحسي بضعف قلبي المسكين
ما يصبر عن شوفت عينك ساعه ..
لأنك تروين عروقي مثل الشرايين
وجفاك آه آه يهاجمني جماعه ..
انا لو ما أعشقك ماكنت أون الونين
وان تذكرت ارتجف قلبي بين أضلاعه ..
وبشوفك توقف دقات قلبي..الله يعين
وصوتك..
اموت فيه واهوى انا سماعه ..
تدرين انك صرتي ثالث الوالدين
والنفس صارت في هواك ملتاعه ..
وإن قسى زماني بكلمه منك يلين
لأنك صغتي كلمات فرحي صياغه ..
ألا واعذابي ليه تجفين.. تكفين
ارحمي روحن من ذكراك فزاعه ..
خلك معي في الحب مثل الرمش والعين
كل من طلب قال الثاني سمع وطاعه ..
أحبك..وانتي في غرامي تدرين
بشوقي وولع قلبي وعارفه بأوضاعه ..
مغرم وعاشق في هواك يازين
لا تسعين لتشتيت قلبي وضياعه ..
ارجوك لا تطعنينني بسكين
وان رحتي لغيري قتلتي قلبي بابشع بشاعه ..