ضاق بي كوني وضاق الزمان وعيْت جروحي تطيب وتجبرا
جرحي اللي في فؤادي له مكان عانق سنيني سنين ومابرى
ماقدرت اوصف شعوري بالمعان كل معناً صار صعبٍ ينقرا
صارت سنيني محانٍ في محان مـا بـقى حـد بعـذابي ما درى
عقب ذاك الفرح والسعد اللي كان صارت سنيني همومٍ تكثرا
من بعد مافارق الغالي المكان وفارقت عينه عيونٍ تسهرا
مات نبض القلب واحساس الامان من بعد ما مات خلي وسرى
ذقت في بعده لوعه وحرمان ذقتها والفرح حولي ما طرى
كيف بنسى من ملك قدرٍ وشان وفي بعاده شافت عيوني الكرى
لو رحل من دنيتي لا ما يهان قدره اللي في خفوقي يكبرا
ويش بيدي غير دعوة الرحمن يغفر لخلي وهمي يصغرا
ربي الواحد العزيز المنان الذي سوى الحياة وقدرا