السلام عليكم ورحمة الله وبركاته
أخواني اليوم جايبلكم قصيدة ألفتها طالبة في كلية العلوم
تخصص كيمياء
وأنا استأذنتها لعرضها لأنها تتحدث عن جونو وبلاد العز

وبالنسبة للإسم فطلبت ما ينكتب الا " حسيني "

اليكم القصيدة أنتظر ردودكم على أحر من الجمر:

عساك بخير ياأمي وعسى رب السما يحميك
مدامك فخر أجدادي وفخري والشعب يغليك
عمان الخير ما يهزك هوا جونو ولا يرديك
لأنك يالغلا مثل الجبل بصمودك وعاليك
ومسقط هذي العذرا تظل بحضنك وتفديك
وترجع مسقط الخضرا جمال وملتقى ماضيك
صحيح انه عدو ظالم ولكن قوته بايديك
تخطانا بسبب صبر وصمود الأرض في واديك
وسلمتي والسبب ابنك بقلبه والحشا شاريك
سلامة روحك الحلوة وسلامة ابنك وبانيك
وترا جونو وأمثاله تهابك يالغلا وتخطيك
أحبك يا عمان الحب ووالله بخافقي أفديك
وكل الحب للقائد عظيم أمجادك وراعيك


أنتظر ردووووودكم