على كفي .. على دربي ..على صفحة من الدفتر
نقشت حروفك العذرى على شريان من دمي
وجيتك عاشق هارب.. عن همومي معك ساهر
ابشكي لك.. ابفضفض لك.. بقربك ينجاي همي
وازخرف حبنا الوردي على جدران من مرمر
وألونها وأشكلها.. واحط اسمك قبل اسمي
غرامك كل يوم يزيد... وتكبر والغلا يكبر
يجسد حبي الواقع ... بعد ليل العنا الوهمي
اشوفك مع شروق الشمس...اشوفك والشفق أحمر
تذكرني بهمساتك...بلابل صبحي الوسمي
وانادي يا بعد عمري... ترى بعد الأمل يقهر
تعال وشوف حروفك... على شريان من دمي
وتذبل فرحتي ساعة...اشوف اليأس يتمخطر
ويترنم على نغمة...تعالي واقبلي جنبي
واطيح وفايدي وردة... وحظي فايديه خنجر
ويطعن أجمل احلامي... قبل ما الشمل يلتمي