إعـــــــلان

**ZHR** · 24-01-2008, 11:34 AM

صلوا على محمد ريــــح العطــــر والعــــــــود
من ليلة مايقدر يعيد الكـــون هدبــــــها
هـــذه الليلـــــة انـــــــــور نورهـــــــــــــــــــا زود
والسمـــاء نجومها اضوت في ذهبــها
كيف ماتضوي والكل حــــاضر وموجــــــــود
بشـــــوق المحبة نلتقي من سعــــــدها
عروسنا العروسة ياكل الحسن فيها موجود
يغـــــار منهــــا البدر من طلة هدبــــــها
عروسنا العروسة يابنت الاصل يابنت الجود
فيــــك القصـــــــــايد ماتوفي سببـــــها
عريسنا العريس ياكل الشهـــــامة بــــــلا زود
ولد الرجــــــــــال والمكـــــــارم هو اهلها
واللـــــه يجعـــل ايامكــــــم حـــــــب وورود
وسعادة يحكي بها الكون ويعجب بها

___________________________________________

من صميم القلب قلت احلى القوافي
اتفنن في حروف اروع قصيده
للعروس اللي لابسه ثوب الزفافي
أمل اللي بزينها صارت فريده
اسمها امل والاسم كافي
لو صاغها الصايغ ضيع نشيده
امل عليها من الحسن والعفافي
شيء كبير اكبر من اننا نجيده
كامله ومكمله بكل الاوصافي
مايزيدها الذهب لمعه هي تزيده
وجهها كالبدر منور وصافي
سبحان من خلا ملامحها فريده
بشوفها تحقق كل الاطيافي
والاحلام بشوفتها تصبح اكيده
فيها جمال الكون بكل الاصنافي
ياعسى ايامها دايم سعيده
من شافها قال رحماك يامعافي
اشهد انها بزينها صارت فريده
من زينها شابت حروف القوافي
مالوم قصيدي لو وقف وريده
امل بنت (( )) بنت الاشرافي
امل غلاها بين القلب ووريده
ومعرسنا خالد قدره عالي ووافي
خالد بالشجاعه نظرته بعيده
خالد مثل الذهب ومعدنه صافي
خالد الطيب بقلبه دايم ربي يزيده
خالد قدره فوق روس الأكتافي
الطيبه بقلب خالد وربي اكيده
وبختامها قلت احلى القوافي
اتفنن في حروف اروع قصيدة
للعروس اللي لابسه ثوب الزفافي
أمل اللي بزينها صارت وحيده..

هذي اللي حصلتها اتمنى تعجبك..

**جاسم القرطوبي** · 24-01-2008, 11:37 AM

مشاركة جيدة

نتمنى نستفيد منها وكانت لي ِابيات بس بالفصحى

دمتم بود

**بنت المطر** · 24-01-2008, 04:19 PM

مشكورة أختي وما تقصري
أكيد بتعجبني
أنتظر مزيدكم

**بنت المطر** · 24-01-2008, 04:22 PM

مشكور أخوي على المشاركة
واتنمنى تشاركنا بقصيدة

**بعيد الهقاوي** · 25-01-2008, 02:44 PM

اختي بنت المطر في شاعر اسمه عزيز الروح يكتب قصايد الافراح ، حاط اعلانه في مجلة فتون

تقدري تشوفيه .

**بنت المطر** · 26-01-2008, 02:13 AM

مشكور أخوي بعيد الهقاوي
ان شاء الله بشوفه

إعـــــــلان

قصيدة عروس

قصيدة عروس

تعليق

تعليق

تعليق

تعليق

تعليق

تعليق