تلوّنت عيني بالحزن يوم رحت عني
إنت ما تدري إنت مين بالنسبة لعيني
ليه تبسَمت شفاتي كنت السبب ورا أنسي
لو تلف الكون من سماه لأرضه ما تلقى شخص يموت في كلك مثلي
ليش البعد انكتب لي وانا كنت لأجلك مستعدة أنتهي
كانت أيامي بإذن من صوتك تعدّي
وعلى لمستك اصبّح وأمسي
كنت مو حياتي ، حياتي والله شوية على قطعةٍ مني
شوية على شيءٍ ينبض مع نبض قلبي
حبيب كل ضلوعي
زين ما تبي تسأل عن علومي ؟
غدا الآه بعدك عنوان علومي
حرام تحرمني من دمٍ سرا في عروقي
وحضن ياما دفّا برودة ريقي
أنا من بعدك أنا ماني أنا
أنا شخص ثاني تعوّد العنا
صارت شوفة عيونك كل المنا
إنت تدري أنا إذا يومين ما شفتك أحسبها أكثر من سنة
بس حسافة الظاهر نسيت منهو أنا
نسيت إلي كنت تتغزل في صوتها
وكنت تطمع في أنوثتها
نسيت روعة سكوتها
نسيت لوعة برودها
بس لحظة دقيقة بوّريك شموخها !
ولا تحلم الحين تشوف طيوفها
ماني أنا إلي كنت بسهولة تحضن كتوفها
وتخدعها بالأبجدية المعسولة من ياءها لألوفها
حبيبي الحين بتشوف سهومها
وتتمنى إنك ما إنولدت عشان تشوفها