إهداء لمن أهداني قصيدة غزل حروفها كاذبة ، تنبض في طياتها مشاعر إدعت إنها صادقة
إهداء لمن تهاون القلب إلغاء مكانته المؤبدة ، وأحدث صراع عميق بين ضحكاتي ودموعي الغزيرة

ابي أنام في حضنك
وانسى النوم وياك
ابي ضلوعي ترجف بدقات قلبك
واذا قمت عني تصرخ انفاسي تكفى لا تروح أنا أباك
ابي صمتي يعبرلك عن مشاعري، ويسطرلك روعة الحنان إلي القاه وانا وسط صدرك
تصدق وأنا في حضنك ما أبي أقوم ، أبي أعيش مع دمك ، أنا عطشانة أبي أسمع همسك وأرتشف ولو قطرة من دفاك
اسمح لي يا بعد كلي اترك بصماتي امانة عندك
واعد خصلاتك بسبابتي ، وأبيع الروح فداك
ضمني أكثر ودي أسمع قلبي ينبض بإسمك ، وأطرافي تلتصق وياك بقية عمرك
حتى وانا في حضنك ضلوعي مشتاقة بس نفسها تعاند برودك وفي أعماقها دوم تلقاك
أنا ودي ترمي ثنايا جروحك على كفي ، إيه تبعثرها دموع على خدي ،اغرسها بحدة في ربع حضني ، وأنا أموت ولا أخلي عيوني توريك همك
يكفيني ثقل دموعي على خدي ما أبي أضعف بشوفة قطرة حزن على كلي ، وأنا من لي غيرك يا كل كلي ودي بس تحس شلون أعاني من لوعة جفاك
ارحم حالي أبي حنانك يجري في دمي ، ويقطع أقوى عروقي بقوته ورقته ، احبسني أسيرة في كفك ، وحررني من سيفونية صمتك ، تعال وناظر صورتك مرسومة على كتفي وإقرأ برغم غدرك قصيدة كتبها قلمي في غلاك