(( سكر زيادة ))


رب أخ لم تلده أمك في هيئة خوي
ما تنتهي مدته ولا صلاحيته
وأنا ويش ابغي من الشخص القويم السوي
الا احترامه لشخصي في علانيّته
والنفس قد تنطوي على ما قد تنطوي
ماني بربه أعرف اللي في نفسيّته
حديث خير البشر في شرحه النبوي
أعمال كل امرئٍ على حسب نيّته
وأنا مثل من طموحه للعلا منتوي
ولا تعدى طموحه حد سطحيّته
لكن لو أن راس مالي فالبنوك ضغوي
حمدت ربي على نعمة عبوديّته
مثل الشبح الأحمر اللي عند مصطفوي
اللي فريدٍ فتركيبه ونوعيّته
عشقت لي بنت وأثر الليل ليل سروي
وان راح الليل دربي ويش تاليّته
واثر الغرام الذكوري كنّه الأنثوي
متفشي وكل منهم فيه خاصيّته
قالت من أنته من أنته قلت رجال بدوي
ثقافته ما هي تعارض على حبيّته
سحاب له ضجيج ودوي
يا ما اشر بغترته وطاقيّته
جباننا لترفع سهم المنايا يا وي
يظهر له بموقفٍ تفخر به بنيّته
قالت من رجال يام مزبنين الخوي
قلت ولد عم بن حثلين وحميّته
قالت يا جن الغلا لو شفت ذيب يعوي
قلت أتعشاه لعيونش يا جنيّته
لكن ظلم السنين وقلبي المكتوي
تثر علي خوة الطيب وعقليّته
وقريحة الشاعر المبدع ما هي ترتوي
ويثبت احساسها حسب مزاجيّته
يا فاتنه سكّر زياده وسكر شوي
ابشرب زيادته وابشرب شويّته
تعبت أسدد فوائد حبك الربوي
والحب أناني ولا يدري بأنانيّته
أحلى بنات المدارس ثالثه ثانوي
ذراي قلبي وقلبي له نظريّته
عن خلقها لو درا وزيرنا التربوي
خلا من أخلاقها منهاج تربيّته
في وجهها الأمتحان الصعب الشفوي
سماحة أب القتيل اللي رفض ديّته
وفي جيدها لذة المدن فعيون قروي
وفقلبها طهره وطيبه وعفويّته
على شفاها مخارج اسمي اللغوي
وسويكي حروف اسمها في ميداليّته
هي همي الشهري وتحصيلي السنوي


(( المثقل بنزوات يوميّته ))


احتلت احساس خفاقٍ ما حوله ذوي
وأعضائي الباقيه تطمح لشرعيّته
يا جعلها تعيش حتى عقدها المئوي
وتشارك القلب في فرحة مئويّته
وصالها دموي وافراقها دموي
كن هتلر مورث الها من دمويّته
الشين ف أتفه زوايا حسنها منزوي
بالعكس تشكي ظروف القهر أقليّته
والا على الزين حيل الله يا قلبي قوي
الزين هي موطنه الأصلي وجنسيّته
في جيدها فوضويّة شاعرٍ فوضوي
وفعينها قسوة الفارس وحنيّته
خذيتها من يديني وجات تهوي
وصارت في يدي ما هي حيّه ولا ميّته
لو اني الشجره اللي للغصون تحوي
ما فيه غصن ماهي دابه ولا حيّته
لو انها الألتهاب القاتل الرئوي
قلت الوعد جنة المسلم يا حوريّته
ايعزها الشوق لين تخضر وتستوي
وتعيش من حسنة المسلم ومن سيّته
واثارها بنت حوا فاتنه وتغوي


(( بني ياس ))

ياصاحبي سالم بن غدير الناس
لو تكشف اللي فالضماير مخبا
كان انطحن حبن مايطحن بذا الراس
لكن ذنوب الصالحين أتغبا
ابغيك تعطيني كيلوين ألماس
وكيلو ذهب صافي وكيلو يالبا
لعيون بنت ٍ فاتنه من بني ياس
متربيه بس الغلا ماتربا
ان وقفت مثل الزهر بين الاطعاس
ويلا مشت فرس أصيله وقبا
ريحت نفسها غير عن كل الانفاس
وان سولفت حتى البليغ أيتهبا
في مدحها جاني من الشعر هوجاس
وصبحت متنبي شعر وتنبا
لو عرضت على الفقيه ابن مرداس
يمكن يحلق لحيته ويتصبا
كنك مشربني من الفوتقا كاس
ولياسبتني الخفوق المسبا
والقلب لامنه فضا شوق وحساس
لو جيت بتعبيه ماينتعبا
الين تعشق فاتنه من بني ياس
متربيه بس النحر ماتربا

[/color](( القصيد الحر ))


الخلل في معظم الأحيان ما هو في العقيده
الخلل في الناس والدنيا وسودان الكبودي
فلسفة ان العرب ترطن عرب فكره أكيده
لو نزور الهند ما نرطن مثل رطن الهنودي
واعتبار ان البحر ويش ينقصه ولا يزيده
مثل يوم من العمر لا راح لا يمكن يعودي
واختلاف الراي الآخر لا نسميها مكيده
علموا حزب اليمين الا طغى حزب اللكودي
شاعرٍ مثل الجبل تبكي عيونه كم حيده
الشرف لا مات للأموات ولا لللحودي
السؤال أخبال والعالم وش اللي تستفيده
ودي أسولف عن الحجه ولا عندي شهودي
أسمحولي يا محررة المجله والجريده
عن حرارة معظم الأجسام يقنعني برودي
شاعرٍ مجنون واسوّي لي من العالم بديده
والحقيقه ما هو فنقص العرب ولا فزودي
لكن الأول من الثاني مسافات بعيده
أنتعش يا اقتصاد اهل الأدب وانا ف ركودي
عربجي واتعب على البيت القوي واقدر واجيده
والقصيده كل ما غنيت ترقى بي سنودي
انتصرت وما لقيت من انتصاراتي ما اريده
وانهزمت ولا تنازل كبريائي عن صمودي
والغلا ينصب في الخفاق ويفجر وريده
يا سلام الله على اللي حبها بيّح سدودي
قالت ابن الذيب قلت ايه قالت عطني قصيده
قلت يا لبيه ذعذع يانسيم ويا وجودي
يا وجودي وجد من محزنته اشياء عديده
الأوله منها خضوع البيت الأقصى لليهودي
تثني اعقال الغرام وكن ما يكفيه قيده
لعنبوها في القصيد الحر والشعر العمودي
تسحب الولهان من قلبه وتحذف به مع يده
غطرسة نزار مع عفويتك يا الأبنودي
عرضت كأنها ديانا قلت أنا دودي الفقيده
أثر مابه واحدٍ ما شافها ماهو ب دودي
تشبه أحلى بيت قلته في قصيده لي جديده
يوم موّتتني هبايب مفرق الحد السعودي
امش سيده ثم تيامن يا تيامن وامش سيده
ردفها لا هزها النسناس والحبل امعقودي
لا تنهكت حدود منحرها سعى للثار جيده
لين قررت أخمد الفتنه على كل الحدودي
يوم قامت معركه فيها مشاعرنا شهيده
ما كفاني في رغى البكره هديرك يا قعودي
حركت قطب الجليد ف قلبي وذاب ف جليده
وزرعت كل الصحاري في خفوقي بالورودي
علّمت فكري يدافع عن مباديها الحميده
حثت الهاجس على بذل المزيد من الجهودي
لين قامت ريحة الحب الجديده والعتيده
تقتبس ريح المطر لا فاح به عشب النفودي
ثم حلفت انها ما تطري غير اسوّي لي قصيده
في ضواحي هل قطر والا على الحد السعودي


(( قد صيح التاريخ ))


ياضيوفنا بيض الوجيه السمحه النبل الكرام
الليله العين الحزينه ماحن أمبكينها
يامرحبا ترحيبة فيها غلا ولا انسجام
تكاثروها القوم والعجمان متشاوينها
الله خلقنا فدرجات وكل انسان مقام
لكن قربه من عباده في تفاوت دينها
والعين مدهال السهر والقلب مدهال الهيام
والانفعال اللي يسببه التفاعل بينها
وشرف علامات السماحه فالوجيه الابتسام
وعزها ضحكة أحجاجك ساعة ٍ ياشينها
يامعزز لصبيان يام بقدرتك برجال يام
لازمت من فوق الرجال أستر علي من عينها
ون طاحت الدنيا على راسي ماخلتني حطام
أصيح بقصى يام وعيوني على شبرينها
ياوجد حالي يابني عم السعد في كل عام
يوم المواتر خيل والموت الاحمر تأمينها
اليا وقفنا مع طويلين الشبور أنشق خام
اما لعين ابن المرظف أو لبن حثلينها
والطنخه اللي صدق والفعل المحكحك والكلام
فعول ربعي يوم طاح أبن جلوي في عيينها
يوم أعتزينا والحراب مركزه والدرب شام
صدورنا مدهال لطعنات ومضرينها
قد صيح التاريخ يالعجمان مامنها سلام
النصر ولا الموت قلنا هاتها ثنتينها


(( الشاعر البناتي ))


ماهوب كالأتي ولا كالاتي
اجيبها مثنيت(ن)مربوعه
والمومن اللي ماهو بمرأتي
ماني بضامن سيفه وفاروعه
اكسر عيون الشاعر البناتي
واللي يفتل شاربه فربوعه
واوقف الحالي وريحي عاتي
والعب بحسبتهم وهم مجموعه
وش كان حال الشعر قدام اتي
سؤال ومحير كذا مطبوعه
مجلة(ن)ماهي تلامس ذاتي
لاهي بمقروءه ولا مسموعه
الذ منشيتات منشيتاتي
والبحر والابداع والموسوعه
لكن صباح الخير يامولاتي
فريد من تركيبه ومن نوعه
يالفارقه دايم على البناتي
والفاتنه جدا"ولكثر روعه
لايسمع السلطان تصريحاتي
يهل وضاح اليمان ادموعه
ياسيدة حسناتي وسيئاتي
والشوق والفرقاء وكثر اللوعه
قرأني وانجيلي وتوراتي
والوصل من جدوله لي ينبوعه
تجبرني ارفع لسماء نظراتي
مشاعري لمواصلك مدفوعه
الله يعطيني على نياتي
ومن الرذيله والرداء مرفوعه
مبدع وبيت(ن)واحد من ابياتي
تفخر بنشراته كذا مطبوعه


(( تنحرت القصيد ))


اسر يا ليل وانته ليل وحسابك على السهران
أعلمك .. الحياه .. ومرحلتها الإنسيابية
على وجه البسيطة..أفرق الماضي من المليان
وأغني لي ببيت وتنتحر.. عشرين حورية
وبعد هبّت على خشمي هبايب موسم الأحزان
تنحرت القصيد..اللي تبكّيني معانيّه
أنا عز الله إني..ما نسيتك يا صدى الحرمان
لو إن مابه علاقة غير حب الخي للخية
تجمّعنا مساحات الأدب..والحزن والقيفان
وتربطنا تقاليد العرب..والشيمه الحية
كثر ما الهم في قلبك..ديون مالها ديّان
أحس الكون في عينك..حكومة دكتاتورية
أشوف إن في قصيدك سلطة الحاكم على الرعيان
ولو تزعل..حركات التذمر الانفصالية
أنا لي بنت فكر من وصلها علمك مسيّان
وطاها ما وطى قلب اليتيم ف أمه وبيّه
لو أن ما يرهب الشجعان..لا من فرّوا الشجعان
سوى صهلة خيول القوم ودموع السنافيّة
أي والله ببكي وبنثر دموع المعرفة من شان
تعابير الغلا..والقلب الأبيض..والمحنيّة
وأنا لولا الأحاسيس النظاف وصادق الوجدان
نحرت خيول دمعي..قبل تاطىء..جفن عينية
لو إن ما أنتي بعجمية تعازيها على العجمان
لكنك في عيوني..أقرب من الفين عجمية
لو إن ما أنتي صحابية لها بين الصحابة شان
لكن عندك من أخلاق..أم عمّار الصحابية
لكن يا قلب ياللي فيك..غصن يابس وذبلان
لا تبلش في السنين المقبلة والأولانية
اهي مثل الأديب اللي توفى ظامي وجيعان
توفى واكتفت كل القبور الإرتوازية
وأنا مثل العزيز اللي يعرف إن الفقير إنسان
ولكن عذره من الله الأوّل..ثم مخابيّة
وهي تدري ما فيه أقسى من مفارق ربى الأوطان
سوى اللي ينكر أن الجمر يحرق رجل واطيّة
وأنا اللي ما عرف نعمة تساوي نعمة النسيان
ولولاها..غدت كبد البنادم..جمرة حية
عليها من تباريح الحزن آية من القرآن
ويلهم أهلها صبر النبي عيسى و حواريّة


(( فنجال بن راجس ))


فنجال بن راجس ياشيخ الفناجيل
خلك مع السبعان ولا معانا
على خوياهم ماتضيق المداخيل
وحنا بعد ماهي تضيق أخويانا
ولانقصر في الرجال المشاكيل
قبايل قدامنا او ورانا
لكن ياطلعة كرى وادي السيل
حرك نسيمه خافي الشوق وانا
غنيت للمرزم وغنيت لسهيل
ملوكنا وشيوخنا وقصرانا
واللي غلاها كل ماعالت يعيل
ورموشها سود وتبانا تبانا
لو ان حن يوم أبرهه جا على الفيل
على حدود قريش كانت حمانا
ما أرسل عليه الله طيوراً ابابيل
لأنه هو اللي عزنا وأصطفانا
ومن أشرف أهل الهجن والطيب والخيل
ثلاثة ارباع الملوك أنسبانا
وبنت الردي ماتنوخذ للحلاحيل
تفاخروا على النساء يانسانا
حريمنا قدوه بعض الرياجيل
وشف فوقهم بعض العرب مستوانا


(( لندن ))


يا لندن أنا فاقدن لي مطيري
ومطير غير وهيبتي عندهم غير
ولا نكر طيب القبايل ضميري
لكن أنا ميت على خوة مطير
سلام يا خالد سلام أميري
لو أنك مواطن بلد منت بأمير
خليتني في وسط لندن مصيري
مثل مصير مقيط في جعبة البير
والقوت لو يبكي رفيق الحريري
بكا على جساس أو سالم الزير
عندك خبر لا من خسر جون كيري
تقوى علاقة بوش مع توني بلير
اتصدق اني من مسجك الأخيري
ماغير أقول الله يذكرك بالخير
قصايدك مثل الذهب فالحريري
شاعر وماشاء الله عندك جماهير
وترى القصيده كلها من ضميري
من بيتي الأول الى البيت الأخير


(( يا عرب نجران ))


الهواء نسناس والليل ابتداء والشعر دوبه
يا قصيدي لا يروِعك الزمن والليل ساري
وان مدحت امدح رجل ذكره الي منهم حكوبه
ثارت البندق وسال الدم من روس الشباري
يا عرب نجران صيحوا من شماله لي جنوبه
ومن علوه لين حدريه وانا ما اثني قراري
وصلوا للمكرمي سلام فيه من العذوبه
ما يداوي علة المرضان ويرد اعتباري
هيبته تذكر ووقفاته مع الناس محسوبه
يا شذا العود المعتّق يا هوا البن الهراري
ما نسينا يوم جدك ناصر عجيم بحروبه
تدري العجمان وابن الذيب يا العجمان داري
يكفي ان يمناك في الصكات ما هي بمعطوبه
وشاربك ما يدسّم الا من ظهر ذيب المساري
انت جدك مرجع الديره ولا خيب شعوبه
لك مثل ما له فعول وفيك من جدك مواري
احتزم بإسم الديانه والعقيده والعروبه
وانت تدري كل غمرٍ من ضنى يام انتحاري
والقصيده في حسين ابن اسماعيل العجوبه
تجبر الشاعر يطوح غترته والضغط ناري
جُُل همه: كيف تفهم كل ذا العالم اسلوبه
ما طمع في مال بنك الراجحي ولا التجاري
كل دعوه من فمه تستحظر الغيم وهبوبه
وكل سجده منه ترسل لي من الايمان طاري
من طهارة قلبه تشوف النظافه وسط ثوبه
أي نعم ذا رأيي الشخصي ولاني باستشاري
في جبينه هيبة الأقصي وعشرين الف توبه
وفي كيانه هيبة اليامي وعزي وانتصاري
انت كنك بارد النسناس في عز الرطوبه
تبتسم وتندي الازهار وتهب الذواري
كل مامريت قصرك قمت ألد العين صوبه
كنك القصر المبين بمعركة ذات الصواري
في ضلال الدوله اللي عزها عز العروبه
يحفظ الله الملك والشيخ والصرح الحضاري


(( قلبي المرجوج ))


انا بدي أغني طرب والعرب ممسين
لاكن قلبي المرجوج ضايق ولا بده
أيلا من تغدى خالي الهم أبو قلبين
انا كبدي تعيف الغدى جعلها الغده
انا طرقي يرجي زمانه عساه يزين
ويلامن حصله قوت يومه نسى غده
ياقلبي لامن ضقت أش الضيق للمسكين
ويادمعي لامن سلت أخ والمرجله هده
وياعجمي لامنك طحت تكفى طيح بزين
أبا طيحتك طيحت شجاع ٍ ماهوب وده
وانا مانيب غشاش و الناس غشاشين
ولاجيبها من حد والناس من حده
لاكن علم اللي يكتب البيت والبيتين
أيلا سنع الضمه تبلش مع الشده
من البارحه واللي وراها ويلا ذلحين
وانا الشاعر اللي يطرق البحر ويقده
تقلدني الغاوين لاكن شلغاوين
لونها بتقليدي أيلا غبت مع سده
على الشيخ جاسم ودي أرسل كلامٍ زين
لاكن موتري مكينته تشتكي حده
ودور على جمسٍ ولاهو من الألفين
لاكن خمسه وسبعين ومغبرن شده
قد أستخدموه بشغلت القات والهروين
من أول يوم أعصابر الناس من شده
ولافيه ملكيه ولانمره وتأمين
ومع بندر بن سرور قد راحله مده
ولاهو أبو شكمان لاكن شكمانين
يحد الشبح بس الشبح ماهو يحده
ورفارفه حول البدي كنها مابين وبين
ايلامن شحطه ثنين راعيه ثم هده
ردايف هنوفن تلبس الجنز أبو خطين
أبيها ماهو مضبوط والأم مرتده
اسوقه انا والا حدا خواني الغالين
على شان ياصل علم من شيخ ويرده
ترا الشيح جاسم بن حمد من عرفته لين
هذا اليوم لين أموت أغليه ووده
ولي الفخر في كل توقيت والا حين
يمثل تميم أبحزة الضيق والشده
هذا الأدمي مخلوق من نور ماهو طين
يشاعرك من جده ويلا رضاك من جده
ادور على شوفه ولبي وأقول أمين
وعلى صحته ورضاه حتى على سده
عسا السد فاول شوط يكسب ثلاثه ثنين
أشجع مع الجمهور وانا مالي شده
لاكن ياطويل العمر عن طعنت السكين
مقامي عزيز ونفسي أكرم من المده
ترا اللي عند قصرك حقرني قبل شهرين
ماهو من هل العليا ولامن هل الرده
ياشيخ الهوى لامر خضر الغصون تلين
لاكنه لو يعرض على الضلع ماقده
وانا بين عرق المرظف وأبن حثلين
مانيب صلبين ويش خاله ويش جده
لا رحت صوب دبي وان جيت صوب العين
انا سمعتي بين الرجاجيل ممتده
لون الفقر وصدوف بقعا وضلع الدين
ترد الكريم أمن المواجيب وتلده
لاكن بالعزوم اللي لها القاسيات تهين
نوطي على خشم أسود الوجه ونضده
نحشم الصداقه وان فزعنا نجي عجلين
على موقفن ماكل رجل ٍ يجي قده
ترا صدة المقفين عادي وهم مقفين
لاكن صدة المقبل الا أقبل هي الصده
لاكنك طويل العمر وانا من الوافين
وذي ميزت العجمان في كل مسوده


(( العين مدهال السهر ))


ياضيوفنا بيض الوجيه النبله السمحه الكرام
الليله العين الحزينه ماحن مبكينها
يامرحبا ترحيب ن فيها غلا ولا انسجام
تكاثروها القوم والعجمان متشاوينها
الله خلقنا درجات وكل انسان ن مقام
لكن قربه من عباده في تفاوت دينها
والعين مدهال السهر والقلب مدهال الهيام
والانفعال اللي يسببه التفاؤل بينها
واشرف علامات السماحه في الوجيه الابتسام
واعزها ضحك الحجاج في ساعة ن يا شينها
يا معز ن صبيان يام بقدرتك برجال يام
لازمت من فوق الرجال استر علي من عينها
قد تعظم في عين الصغير اصغارها بس العظام
في عيونها تصغر متاهات الزمن وسنينها
وان طاحت الدنيا على راسي ما خلتني حطام
واصيح باقصى يام وعيوني على شبرينها
يا وجد حالي يابني عم السعد في كل عام
يوم المواتر خيل والموت الحمر تأمينها
واليا وقفنا مع طويلين الشبور نشق خام
يمال عين ابن مرضف او لبن حثلينها
والطنخه اللي صدق والفعل المحكحك والكلام
افعول ربعي يوم ردينا القضى في عيينها
يوم اعتزينا والحراب مركزه والدرب شام
واصدورنا مدهال للطعنات ومضرينها
في جسم الانسان الطبيعي حسب ما جا من علام
نظام ن اسمه كريات الدم واللي فجينها
هذي اذا ضقنا يجي فيها سوات الانقسام
تذوب لين من الغضب يغضب على تكوينها
يضخها عرق الطنا مثل العرق عبر المسام
اكبر اشعه نافذه ما عاد تدري وينها
قد صيح التاريخ يا العجمان ما منها سلام
النصر ولا الموت قلنا هاتها ثنتينها
لو الصحابه عاصروا راكان وحروب الامام
تجاوزت عما حصل في بدرها وحنينها
نملى عقول الناس فكر ونكسب اكثر الاحترام
ونجي ديار جهينه ونحشم كثير اجهينها
وارجيلنا فوق الثرى وارقابنا فوق الغمام
وان نحت ابراج السما حن اللي منحينها
ولا التهامي يلوي شدوقه ويصفقله تهام
واسيوفها ماهي تهوم الا على سكينها
ياقاني الجربا ترى ماهي تباع ولا تسام
لو تنطلي من خشمها لا فرس ن كراعينها
واللي في راسه حب ما يطحن وفي خشمه عرام
ياتي مع وجه العرب لا يمر مع جمبينها
في شارب ن في راشد اللي قومته لامنه قام
تهز راسي من طنخ وتشوش بي في حينها
ولا كبرت الحمله على كتف الجمل جبر العظام
ولا كتفه قد صلفات الزمن ولينها
والا نكحناها مع رجلينها وثمها حرام
وشلون ننكحها مع ثمها ورجلينها


(( واحد اثنين ثلاثة اربعة خمسه ))


واحد اثنين ثلاثه اربعة خمسة
يا لبيه يا اشرف بيوت الشعر واغلاها
وجيه الاجواد يا نايف ماهيب بعمسة
كن السعد يوم تقبل في محياها
طول على الغاز ولا تخرب الحمسة
سحابة الصيف فوقي تنشر ماها
ورعيان الارض امحنها القيض وشمسة
وانا ورى قصر بلقيص اتحراها
يحصون والصوت عالي وانت بالهمسة
تهز حكام الايام ورعياها
يابوظبي لو ان همي الرمسه
ما جيتكم من دبي وزواياها
فديت كبد الهنوف اللي من اللمسة
تكسر كن الخمر مصنوع في حناياها
وارثة القلب لا ثمنه ولا خمسة
والذ واشهى علووم الحب واحلاها
هي غد .. من قوت يوم رغيف امسة
في ساعة لا تذكرها تماناها
تحب غيري !ّ! ثلاثه .. اربعة .. خمسة
لهم لا احاسيس وانا لي ثناياها


(( الصدر ضايق ))


الصدر ضايق وصبري يا حسن طول
ودي اغادر لو في وسط غواصه
انا اشهد اني ماحب العالم الاول
ماغير كاس بو ماجد ورقاصه
حظارة زايدة واعلام مهُول
حتى البزر يرضع الوسكي بمصاصه
صحيح فيها الجمال وجوها يهول
وقفِ لهلها وحنا بس بصاصه
شفي مع لابتي شيبان معُول
ربع نهار الوهى للروس قناصه
نصبر على الحب ونصاليه لاطوًل
وقتِ مضى محتمين هجر وخلاصه
حنا هل الطايله ذلحين ومن اول
من طاح في نحورنا ياصعب مخلاصه
صغيرنا يحتمي الميقاف لا حوُل
لو الفخر وسط جوف البحر لا أغاصه
للكايده نتعب الرجلين ونهروُل
يوم ان ولد الردي رجليه لواصه
نتعب على الطيب لجل المركز الاول
ندعس الطريق الخطر ماقيل حواصه
عن لابتي نايب وللشعر مخوُل
قصيدي الجزل جلسني على ماصه


(( المارد الشعري ))


المارد الشعري ليا غاب ولا حضر
حضورها على يديه ويزتها
الله يقطع هل الدمام ياهل الخبر
وعدت ابو ريوف بزيارة ولا زرتها
يا ريوف ليل المواجه قدر ولا سهر
لو انها بختياري ما تخيرتها
وانا براسي قصيده تدهر من ظهر
واخاف عيني تغمض مابعد قلتها
مدري من العيد والبرقع وسوق الجبر
ولا من الجادل اللي يوم عينتها
رموشها تدهر جديلها تدهر
وثيابها كل ماهب الهوا بختها
لاهيب شي من الفتنه ولا هي بكر
لاكنها من غلاها لي تباكرتها
وردوفها رفرف الجمس الجديد الاحمر
مستعمله بس لي ذلحين ما سقتها
لي احزنش عيني اللي دمعها منهمر
انا عيوني على الهجران عودتها
والليله اللي تمر مايجي لش ذكر
تمر وتمر لاكن مابعد نلتها
حتى لو غمضت عيوني غرور وكبر
العين ماهي تمثلني لا غمضتها
قالولي اخذ اختها قلت المرابع دهر
ماهي ببلغنا لاكني انا تبالغتها
امحق سنه عاد قلبي فيش وامحق شهر
مافيه مره بعد فرقاش ماذقتها
وانا على شانش ازعل حكومه قطر
عجمي وقلبي خبل لا بعتها بعتها
ان سولفت سولفت لاكن بالمختصر
كانها تضامن مع البكمان في صمتها
اليا ضحكت قلت ياربي عليك الصبر
واليا بكت قلت ياربي ما صبرتها
حورية (ن) من هل الجنه وفيها حور
طاحت من الجنه الخضرا وعينتها
ياقلها يوم الد العين يم الخصر
وليا تعديت قلتها تكاثرتها
الخيل والليل والبيدا ووجه الفقر
تطيح من عيني اليسرى لا ناظرتها
الله خلقها بشر لاكن غير البشر
الناس من تحتها والارض من تحتها
حتى هل الطائف اللي كل ليله مطر
كني مصيف بجوها لا حضنتها
اليا اقبلت كانها الارهاق بعد السفر
متثيقلة من سحاء ولى تثقيلتها
يدفها الشوق دف العاصفة للشجر
تميل وتميل لاكن تستحسن لا عدلتها
ساعة ما نزعل كنه زعلان منك بشر
يا جعلك تموت يا محمد ما زعلتها
قالت انا الموت قلتي انتي عذاب القبر
قالت بلا بالله يابن الذيب مصختها
الله عطاها شرف مريم وتقوى عمر
وانا ليا ذعذع الغربي توسدتها
بس اعذروني غنيت ياهل قطر
الله يغفر ذنوبي يوم حللتها
ماهوب جنون الغنم ولا جنون البقر
شاعر وعندي قصيده زينه وقلتها
قولو لها لاتوريني نجوم الظهر
اما ترد الخبر ولا عشقت اختها


(( رد ابن الذيب على ابن فطيس - ياكبدي صبر الغنيمة ))


يا كبدي صبر الغنيمة وانا اخيش
اقولها لكبدي وكبدي معيه
لا هب ذعذاع الهوى طير يا ريش
طعنة رفيق الجنب ماهيب ليه
يكبر مقامي في عيون المداغيش
ويطيح في عين الردي والبنيه
والزمزمية ما تقهوي المشاويش
يقطعك يارزق ورا الزمزميه
بيت لابي محسن بن فطيس كنه ايش !!
كانه ترفاعي ولي مقدريه
بيت العود ماتعبتة المطاريش
لو انها بين الحفر والحويه
عود على ربعة صدى صوته اشويش
وعلى قبيله (( يآم )) عنده حميه
ليتك يابي محسن على الواقع تعيش
وتشوف صنع اهل العقول الرديه
لو انها بالطيش يمديني اطيش
لاكن انا حي وشيمة الناس حيه
وانا حفيد الطيب وام العكاريش
ماهيب ولده لاش !! ولا صلبيه
اردها بوجهي ولا اردها بأيش
يكرم نباي وتكرم الجابريه
وانا بني عمي هل الهوش وتهيش
وخوالي اهل الفزعة الاوليه
ماهم بييز في يدين الدراويش
وقصيرهم ماهوب يعرف الاذيه
واصواتنا ياهل القلوب المعاطيش
تعرف بدون اسماء والنار حيه
ماهوب من كثر الحكي والاشاويش
من كثرة الترحيب والقابليه
ودام الجمل عقب السنين المرابيش
يبرك لها ويحن مثل المطيه
تكفون خلوها يا ركابه الجيش
ترا المعقب شيخ وانا سميه
ورا الحكومه ما ندور بخاشيش
ناخذ ارزاقنا بكفوفنا الصيرميه
على الملوك نزوم نزوم ونعيش
تسمعو ياهل العقول الرديه


(( قلق واحباط ))


انا ينتابني احساس وشعور بقلق واحباط
وانا يالله دخيلك من قلق يدعوللاحباطي
وليفي سلم راسك والبقاطه شغلة البقاط
وانا ماني بقوط ولاعلي من كل بقاطي
ليامني بغيت اضحك معاك شوي لاتشتاط
سوالفك الجميله تشبه الجلسه على الشاطي
عليك الله واكبر من تموزالاولي لشباط
تمغط والغلا في خاطرابن الذيب مغاطي
يابورمشن خبطني من قريب خبطة المخباط
ونبط ضربته في اقصاء الضمير الحي نباطي
على شان الهواوي والفراق القاز والمشخاط
لو ان قلب الهواوي يشتعل من دون مشخاطي
ليامن قلت احبك من حدود الحرص للافراط
تلفت لي تلفات الكبر وتقول خراطي
وانا ياجعل ربي مايوفقني ماني بخراط
غرامك في ضميري كنه الاجمرة ارهاطي
يااروع من كتابة شكسبير وفلسفة سقراط
غلطت او ماغلطت اللي سواتك يدمح اغلاطي
ولو تقبض علي شرطة دبي بنادي الظباط
ترى القلب ادمنك وانت السبب لاصار متعاطي


(( صحراء النقب ))


يالله بجنحان الحرار الشقر والا ابوحقب
باطير وارد السماء والواو واو لعاطفه
الشاعر الاول خلقه الله لامثالي لقب
لان الحياه اسرار واسباب الوصال ملاطفه
اعوذ من سحر البنات وشر فاسق اذ وقب
على وليف يملك الفتنه وصدق العاطفه
حفر في قلبي بير كنها بير صحراء النقب
بنظرتين نظره تساحي ونظره خاطفه
ياصاحبي ياغلا من العشاق قدام وعقب
وين المنام يزين ورماح المفارق شاطفه
حفظت دقني عن مدانس عرضك وقلت يعقب
دقن تجي نفسه على ماتشتهي عواطفه
ويوم اقطفتك ايدن ماهي بيد الحبيب المرتقب
مالمتك الا قلت ياحظ اليدين القاطفه


(( يا ايوب ))


ياايوب راح الليل تشكي علي الحال
وانا اشكي عليك الحال والحال مداني
لوانك من البنغال وابوك فالبنغال
انا ونت فابو ظبي والرابط انساني
ماكن لي من الاحباب غير انت والجوال
وهو يحتمي لي كل يامي وقحطاني
واقدر من شيوخ الفراريج رؤوس اجبال
ونا الطيب فمدحه لاحاسيس تعداني
واغرب مع شيوخ العوامر هل الافعال
واشرق مع شيوخ المناصير متفاني
ولو اصيح فالمره تجي والسنين هزال
واعنز على العجمان واموت متغاني
لكني معا كل القبايل مجمل فال
من مطير لشمر الى ساحل اعماني
ياويلي على المسا ويا ويلي على المقيال
لكن الظهر مهموم والليل سهراني
قبل ماابتدي شكراًعلى حسن الاستقبال
وقبل مانتهي ودي اسولف وبلعاني
يقولون مشيها ونمشي على ايه حال
على جثتي والاعلى قبر جداني
ما يمشي على امر المقرد ولاتحتال
قوانينها تقطع صدى صدح الاذاني
لان مطمعي فالقرش ياصبه الفنجال
حضوري لبو خالد عن المال كفاني
لكن سمعه الطيب بروق فعرض خيال
مطرها الى حول سقا كل ظمياني
والابداع حاله والشعر فكر واسترسال
مع خلف متعه تغري انصات الاذاني
ياكم ورع من ورعان شبع الجزيره قال
بانه مثل عوج السنين ايتحداني
وانا كنت فاالشعار والشعر والازال
مثل وضع حزب الله في شعب لبناني
انا وين ما وجهت يقوى بي الارسال
ولااعاني من الوزن واوزن من يعاني
ويقول الملك الله يحفظه مافيه اشكال
الى ضيع الاول والى ضيع الثاني
ابا وصل المرسول له طبعه المرسال
لكن خدمه التوصيل ماهي بمجاني
انا الثوره اللي بعدها صار الاستقلال
وانا الانقلاب اللي ضحاياه الاشجاني
الى فزت فاز الشعر والهاجس الهمال
لكن لا خسراخسر وانا ماني بداني
ولا اغير اسلوبي ولااستصنع الاقوال
انا صنع ربي ماني بصنع ياباني
وصلنا لابو ظبي الثقيله وحن اثقال
مثل ماوصل بلقيس هدهد سليماني
ترى جده المليون ليره وابوة اريال
لكن الاختلاف الكلي اشكال والواني
وترى قله الادراك رجل بدون عيال
ولاله من الاخوان من يشبه اخواني
يااصحابي اللي كل ليله لكم موال
انا اللي انا اللي والزمان ايتحداني
ياكم واحد بيني وبينه من الاميال
مايحجبه عن عيني وهو وسط شرياني
وياكم واحد صاير له امن الشموس ظلال
والى غبت عن عينه دقيقه تناساني
صداقات راس المال لازاد راس المال
تزيد وتناقص لانقص حسب ماجاني
وايلا الحين عدواني تكثر علي الامثال
وانظف لها قلبي ولا اوسخ لساني
افج النحور ابعد نظره وسعه بال
علشانهم جهال وانا علشاني
اخاصم وانا رجال وارضى وانا رجال
وهذا اللي يميزني على كل عدواني
امارس معا نفسي غروري بدون اهمال
بان التواضع شي غالي ورباني
عشقت الشموخ الاشموخ العقل والشال
وكهرهت النظام الاالنظام 0000
اذا صار ماني عضو فالمجتمع فعال
اشعل فتيل الحرب فكل ميداني
اغني مع البدو ويحاربني الجمال
ويداعب احاسيس الحضر حزن وجداني
لوان تجربه عمري مثل تجربه الاطفال
ماخليت من تغريبتي اجمل احزاني
وانا بين حلم اني اخلد وانا رحال
واخلي من اطوال المسافات اوطاني
وابيع عمري واتحرر من الاذلال
ايلا قبر فيه اذنوب عمري تحراني
عرفت اني افكر خطا والحياه جمال
شوفو منطق التفكير لوين وداني
لوان البقا للافضليه ماكان اطال
لنا الله عمر ابليس وابليس شيطاني
ولو الموت فاالتاريخ محكور للابطال
تمنيته ايجيني قبل ماايتمناني
وانا خايف اعيش واموت دون امال
ماني خايف اعيش واموت وحداني
اعاني من الاجحاف واشكو من الاهمال
مريضن من الواقع مرض شبه نفساني
لكن ياوجودي والتوجد على ايه حال
برستيج نستخدمه في بعض الاحياني
مثل وضع شعار العروبه على الاطلال
على كثرما مااضحكني على كثر ماابكاني


(( هند ))


من طفرة الهاجس ومن قدحة الزند
بليت نفسي والزمان ابتلاني
جربت طعم المر ومجرب الغند
قنوع لكن العطا ماكفاني
خذت الحياه عناد واتعبني العند
كأن جررح شعوب الارض فكياني
فجعات اهل السند في ساحل السند
مثل البيوت المادره من لساني
وام الرجال اللي تحت امرها جند
اللي فضلها بعد ربي كساني
ياوقتي اسألها وان كان ماعندها عند
ام المكارم راي ثاني تراني
والله لا اسمي عليها تحت بند
ليتك مكثر منها يازماني
يارب تجعل هند مثل امنا هند
ارب هند اتجيب حمدان ثاني


(( تضيق بي ماليزيا ))


سبحان من در المطر وأحيابه القاع الهميت
الشكر له والحمدلله والفضل له والمن له
يالمانع اللي تمنع وتعطي الى منك عطيت
ياكافل ٍ رزق اليتيم اللي تولته رمله
على محمد صل ياربي وسلم وآال بيت
محمد وصحبه وبلغنا معاه المنزله
وياصاحبي واغلا اصاحيبي يانايف ويت..wait
علم ((رشايدة)) الكويت الطيب منهم منهله
رجال(( عبس )) اللي بنوا لي في قلوب العز بيت
أحفاد مجد الماضي اللي يحفظه مستقبله
هاماتهم مثل الجبال الشم وأولها حفيت
سلالة العز القديم بعزها متسلسله
ودي أصرح لك وأخاف أنك تحطها مانشيت
وينسل سيف وينتخي عزوة وتقدح قنبلة
ماودك إلى ضاقت فجوج الوسيعة كمبليت
ودارت عليك النايبات وتعبتك المعضله
إلا ((رشيدي)) من ((رشايدة)) نجد وإلاأهل الكويت
من دون قاصر في رجال مجدهم مانجهله
في روسهم حب مايطحنه الزمان المستميت
وعيونهم تقبس شرارٍ من شرار المرجلة
لكن نايف لاأعدم من صحبته ولاخليت
من وقفته وقفة ورى وقفه ولاهي بالأوله
ياصاحبي نايف سعيد الحظ من حظه بخيت
ماكل راعي حظ حظه فاللزوم ايجمله
اشوف بعض حظوظ خلق الله مثل بنت السبيت
تاكل وراعيها مادامه يمتلكها تكّله
اليانويت تزو شيخ ٍله على أهل الصيت صيت
اخذ معك قلبي يقول اللي باأقوله أوقله
وشلون مايرضى علي وأنا قبل ماأزعل رضيت
وشلون مايزعل علي وأنا اتشرف بزعله
ياسيدي ياللي على العالي من المجد اعتليت
ارضٍ مهي بأرضٍ زراعية ماتنبت سنبله
وسنابلك تملأ بطون الفقراء اللي تبيت
وايدينها لك فالسماء فكل ليل مشهله
ازهل ابو ضلعٍ عوج وازهل ابو وجهٍ شميت
لكن صدك ياطويل العمر وشلون أزهله
اتضيق بي ماليزيا او تتسع بي ماهنيت
إلا معا ذكراك في وادي يغرد بلبله
نفيتني في رحلة المنفى لكنك مانفيت
مقامك اللي كل طاري للمعزه يشعله
من سائلٍ سؤال يطرح له سؤال وماعطيت
جواب يطرح له جواب إيحل لغز الاسئلة
اغيب عنك شهر كامل وانت مقفي مادريت
ولانزل عندي غلاك ولاذبل فيني وله
ومادام مابه وصل مابعد مفارقك اجل ياليت
ياليت تسمح لي اغيب العمر عنك بأكمله
ذكرتك وطاحت دموعي من غلاك ومااستحيت
إلاوقفت اصيح في دمعي غلا واستعجله
ماهو بعيب إليا بكيت اللي على بعده بكيت
رجال وابكي لي على رجال وين المشكله
بغيت ارسل لك مسج لكن والله ماقويت
من النبل تختار وسيلة وصل مستنبله
احساسي الصادق لايمكن ينحصر في كم بيت
ولو ينحصر في كم بيت الاجهزة ماترسله
واحساسنا اللي من مفارق شخص وإلافقد ميت
بعض الهواتف حسها مرهف ماهي تستعمله
قصرت طايلة الأيادي لين طاحت واستويت
اتكبل يدي هيبتك وإلاماهي بمكبله
مجرم وسوى له جريمة يوم غبت ويوم جيت
زبن على ظلك لو ان ظل الجبال يظلله
ثنتين للمجرم فشرع الله واختر مابغيت
إما عفوا عنّه هل المجني عليه..او اقتله
ياصاحبي يامحزمي ياقدوتي انا غديت
على طريق المايل ومالي عذر غير أعدله
والعز ماهو بشت واخويا وكم برميل زيت
العز جدك ورّثه لابوك وانت تكمله
واللي سرى في ليلٍ اسود موحش من دون ليت
ماهي تهمة عويةٍ من ذيب في راس اجبله
ياكم صباحٍ قد غبشت وكم ليل قد سريت
وانا اكتوفي بالحمول الكايدات محمله
ماهو بمسرى واحدٍ ودع هله عند المبيت
ولاخذاله ساعتين إلاوهو في حماهله
سريتها مسرى الملك عبدالعزيز من الكويت
حتى حكم نجد المسمى من علوه لأسفله
وإليانويت أقول باسم الله اليا مني نويت
ويثور موج البحر والربان يثبت محمله
متعود اني لاحكيت اجهر برايي لاحكيت
ولاافكر فالسنين الماضية والمقبله
ماحد ٍ يحط فقبر احد بغيت او مابغيت
وان حط احد في قبر احد كل يحاسب بعمله


(( محاجر نوره ))


القميص وبنطلون اهل البلد الافرنجي ....احلا منها عباة العز والتنوره
وان جمعنا ذي معا ذي الدلع والغنجي....ماتساوي برقع غطا محاجر نوره
كن حمار خدودها بأسفل شعرها الزنجي ....نجمتين في دجا ليل ماشعشع نوره
وان تبسم ثغرها طاح الشجاع المنجي ....مثل طيحت انور السادات بعد الثوره
والله انها تزفني زف البحر للّنجي ....لاتحامت بالنحر والردف ولا سوره
وان تثنّت بالغرام في ليلها الاسفنجي ....قمت ارتل آية القرآن سوره سوره
ولو نورح من الغلا يم الغلا لو انجي ....والله انها تكرم الحانا عن اهل البوره
زينها لحاله يبنج خمس الاعضا بنجي ....واسمها شور العقيد اللي مايخلف شوره
يكفي ان سلطان بن عبدالعزيز المنجي ....لاتعزوا يلحق العوجا وانا اخو نوره


(( يالله مسى خير ))


يالله مسى خير قلبي منقبض وشبه
من رهبة الناس والا القلب متطير
يامعير شوق قلبي روح وأنحشبه
مكينة القلب تصرف شوق يامعير
مثل رذاذ المطر مايحيي العشبه
يحيي فواد المغربل شوقت نوير
هنوف بدو طرف قلبي تعشعشبه
العين تشفق لها والخاطر مشير
قالت انا فيه موضوع بدردشبه
قلت أرفعي الصوت لبي وجهك النير
قالت آخاف أتغير قلت ويلش به
اما التغيار لا ماني بمتغير
قالت قبل تبلش احساس وتبلشبه
تراه قطه وجه من عاده أصغير
لاتبلش القلب في حبك وتبلش به
بن آدم وان طال عمره عمره قصير
وتقول بعدين هذي والله النشبه
اعلمك بالحقيقه وانت عادك امخير
وطيت راسي وانا افكر وكنت أشبه
من حيرته السنين ومات متحير
ومن ثم أخذت رشفه حنان آتنعنشبه
ولديت فيها النظر وقلت يانوير
لو قالوا الناس لك يوم ورح عشبه
حذفت عمري وراي وجيتك مسير
لكن لاكممالك به خير وش لش به
لاتذيرين الغلا ويروح متذير
وقولى لرمشك اذا جيت آتحرشبه
يرحمني أشوي ياملعونة الخير


(( هتلرت قلبي )):thumbup:


ياهتلرت قلبي الله يرحم المانش
الكبر لله باحاكيش حاكيني
وانا مبرك اركابي عند بيبانش
التاجر يسر والرزاق يعطيني
فديت كبدش فديتش بدت اخوانش
ولا لقيتش وانا طفشان خليني
خليني اجر صوتي واقعد اوزانش
يمكن اوزانش من الضيقه يسليني
مثل ماطهرتي التربه بكرعانش
خلي غرامش يطهر مابقى فيني
وان ماشفعلي افخوخش جاه رمانش
يمكن تقطع من اللهفه شراييني
وان طحت مثل الجمل من جور هجرانش
ما عاد تنفع كبيرات السكاكيني
محبوبتي احيان تقارب من احياني احيانش
وشاركش في كثيرات المضاميني
حتى اني اصيح يا بن الذيب بلسانش
واقول لبيش من بيني و من بيني
محبوبتي لانتثر دمعي على شانش
وش له تقولين وش إلي مبكيني
حنى اتفقنا انا مندوب لحزانش
اروي الحزن والدموع تهلها عيني
ولا خذيتش بحضني هزي بردعش
مغير ضامي وقرطوح يكفيني


ــــــــــــــ


انتظر ردوودكم الحلـــــــوهـ