العواف يا بلابل الادب والفكر والشعرالمعطر بروائح الابداع

إزيكوا


هذه قطعة تبراء منها شاعرها ولم يذكر إسمه ولا تاريح إنجازها وجدتها مكتوبه بقلم احمر على دليل سياحى من الخلف نساها احد السواح العرب فى الاتوبيس السياحى التى إستقليتها مع الوفد الياحى المتنوع الجنسيات يوم زرت أهرامات سقاره .. فعجبتنى قلت أنقلها لعلها تعجبكم .

إخترت لها من العناوين ما يليق بها وأطلقته عليها لاننى لا احب الشعر المجهول الهوية .. سمتها

( تستقرى فيا )


تعالى خشى قلبى

عشان بواب حبى

عيان واديته راحه

دى فرصه بس لبى

وبلاش كسوف مخبى

وقولى احبك صراحه

دى هى إذن الدخول

ومن غيرها مافيش حلول

قولى احبك على طول

وخشى شعورى مجتاحه

دا الحب عمله صعبه

وقلبك محتاجه لتعبه

ودعوتى جد مش لعبه

حتلاقى ف قلبى الراحه

انا حبى نهر فياض

وشوقى اكثر بياض

ومشاعرى زى الرياض

واحساسى زى الواحه

وحنينى ما فيش اخوه

ولا حتى العشاق وصلوه

الكره بقه انا قاتل ابوه

ومالوشى فينى مساحه

وقلبى كبير بخياله

يكفيك العمر بحاله

يخليك عايشه فى دلاله

وفى بحر العشق سبْاحه

طب لو وافقتى إبتسمى

عشان اضيفك لاسمى

وتبقى حلاالى وقسمى

تستقرى فيا وتنهى السياحه


وبس


وسلامتكم وسلامتهم وسلامة فاطمة السائح

ع.ع : عز الطلب فى الزمن الصعب