العواف يا بلابل شعراء وأدباء ومفكرين وقصاصين وصحفين وقراء أعزاء

إزيكوا

وأنا فى حالة قلق إتجاه الرسيفر اللى تنيل بنيله وتشفر . وردت على بالى قصيدة ( المتشفره )للشاعر ( مفتاح مخزون ) الملقب ( فكة التجديد ) وهى يخاطب محبوبته التى نستشف من لال القطعه إنها أغلقت قلبه أمام كشخة حبه ..

قلت طالما مسكتها وطلعت من ذاكرتى أصبها هنا وأشارك بيها

تفضلوا بس أوعى تتشفروا على حبايبكم


شفرت مشاعرك ليه وخلتنى بره قلبــك

فهمنى إزاى طب ليه! بحبك بس يا خساره

تجىتعمل باسورد

وتمنع قلبك عن حبى

وأنته اللى مدينى وعود

تفضل حبيبى وجنبى

ياه دا حبك الممنوع

مخلى عيونى دموع

والثانيه عندى إسبوع

دا عذابها مولع ناره

يا ريتك شفرت الهجر

ورميتى الشفره فى حفره

وفتحت قلبك زى قصر

فيه خدم حبى بوفره

بس أنته أخترت التشفير

وخليت مصايبى كثير

وحلمى اللى كان كبير

زى ميت مقتول ف غاره

حأعمل أيه دلواتى

وأفك الشفره إزاى

ما عنيش ألا أهاتى

هى اللى باقيه معاى

دى تفك الحزن تجيبه

وتخلى حياتى صعيبه

وزيدانى بالشوق مصيبه

والحزن بقيت أنا جاره

دا اللى قدرت عليه

يا بختك وبرود شعورك

وصابر كمان وناسيه

حبى اللى هديتهولك

وسايبنى كده مصدوم

محروم حتى من النوم

وليلى من غير نجوم

ونهارى أغبر مشواره

وبس

وسلامتكم وسلامتهم وسلامة فاطمة

ع.ع : مفتوح للغير فى زمن التشفير