أحلى زعل

جيت بزعل عليك .. وناوي بالخصام

كل ما في خفوقي .. بس ازعل عليك

يعني روّح واروّح .. واسري ليل الظلام

بس من يوم شفتك .. قلت برضا عليك

خل روحي بروحك .. هذا اغلى وسام

خل عيني بعينك .. خل ايدي بايديك

ياشروق المحبه .. يا شموع الغرام

يا ورود بحياتي عطرها يهتديك

سلم برمش عينك .. هالتغلي حرام

ما تموت المشاعر .. دامني احتويك

انطبع في خفوقي اسمك بحرف لام

وفي عيوني عشقتك بحياتي ابيك

دامك بوسط عيني .. كيف عيني تنام

ودامك بنبض قلبي .. كيف ما افتديك

مد لي كف وصلك .. قولها بحترام

موت احبك واحبك .. موت انا اموت فيك

عاد تبغي الصراحه .. ما نويت الخصام

هذا قلبي يحاسب .. كل خطوة اليك

اتقرب لك حبيبي بالغلى والسلام

يا حبيبي بصراحه .. حلوه غمضه عينك