محتار ش اكتب وش اعبر في كتابتي
وش اوضح من الخافي بداخل حشايه
شي متمركز في لبة قلبي يباتي
وشي يارق افكاري ما شافه سوايه
طبع الايام يوم تقفي ولابد تاتي
بس ولا مره طاب فيها حظي معايه
كلما صفت نفسي لابد تتكدر صفاتي
لين صرت احب كدري اكثر من صفايه
عفت الراحه وصارالشقا من هوايه
يا وقت اسالك بالله ليش ترتاح لشقاتي
ليش تبي تغمرني في تعبي و شقايه
اشوفك المخطي كل ما راجع حساباتي
وارجع وافكر يمكن من خطايه
والله انه تفكيرصاير في شتاتي
من الزود صرت مدري صيفي من شتايه
او يا ترى هي غلطه من سلمته غلاتي
وحبيته وحطيت فيه كل املي ورجايه