هل ياترى

هــــل يا ترى يحـــبني يحــــبني هـل يا تــــرى
ام هل ترى اصـــــارحه واقولــــــــها له اشكره

تساؤلات بـــداخلي يا شــــيب حـــــاله لـو درى
اني احـــــبه واعشــــقه واني فراقــــــــه احذره


واشوف طيفه لى ظهر تحت المطر فـوق الثرى
كن الجــــمال وعالمـــــه ساكن بعينه ومحجره

الله لا قالـــــت انا كلي انا مـــــــــــاذا جرى
صارت حروف الضــاد لعيونه غناوي مسطره

حتى الــــنحل لى هو نحل مسكين والله مـا درى
ان العسل واحلى العســـــل هي تنتجه وتصدره


همس الشــــفايف غـــــمزة العينين بيهن افـترى
رسم المهندس والتناسق هو قيــــــاس المسطره

يطري عـــلى بالي كذه وانـــه اذا يطري طـرى
تمايل الجسم الطري ب ارض الامم والقيصره

الرمــش يجرح وان جرح فالجرح منه قد بـرى
لان الجرح مـــنه دوا ولان الدوا هو ينـــــــثره

ولانه اذا يجرح جـــرح وانـه اذا يــغري غرى
ولانه اذا يـــــغزي غزى ساس الفكر يستـعمره


مدري القـــمر انور كذه ولا القمــر منه اشترى
نور الليالي الباســـــمه من بسمته او محــــجره

حاز الجــــمال اليوســـــفي فاق بدلاله وازدرى
اهل الجمال المصـــــتنع بالروج ولا السـمكره

يا دانــــة العـــشاق حني للـــقاء المــــــــحترى
حني على جــــسم(ن) نحل فالعفو عند المقدره