بسم الله الرحمن الرحيم

السلام عليكم ورحمة الله وركاته

قبل كل شي عسى ربي يكرمنا في حفظ كتابه الكريم لان حفظ القران داخل الصدور معناته الخير الكثير وزوال الهموم والاحزان والنور التام والسعادة في الدنيا والآخرة كل من يقرا كلامي الحين يرفع يده ويدعوا ربه ان يحقق له مطلبه

الطريقة سهلة ومن كثر ماهي سهلة تخليك دايم ماسك القران لدرجة انك كل يوم تقراه

احلى شي بالطريقة هذي انك ماتضغط على نفسك بالحفظ , الطريقة بختصار هو انكم كل يوم تحفظون سطر واحد من القران

يعني لما نروح لجزء عم سورة النباءِ ونقرا

عم يتساءلون(1) عن النباءِ العظيم (2) الذى هم فيه مختلفون

هذا سطر مكون من ثلاث ايات, يكون هذا حفظنا باليوم الاول ونكمل من باجر ان شاء الله باقي السطر الثاني يعني كل يوم سطر نحفظ لمدة اسبوع وحنا مستمرين

بعد الاسبوع هذا راح يدش في قلوبنا شعور جميل لحب حفظ كتاب الله الكريم

الاسبوع الثاني راح نشوف نفسنا نبي نحفظ اكثر من سطر يعني مثلا سطرين او ثلاث حسب القدرة اهم شي انكم ماتضغطون على نفسكم براحتكم حتى لو تبون تستمرون على حفظ سطر واحد استمروا

الاسبوع الثالث نشوف نفسنا تعودنا على قرائة القران ومانقدر نتركه وراح نحس راحة نفسية لاننا انشغنا بالشي اللي امرنا فيه الله عز وجل والرسول صلى الله عليه وسلم وهو قرائة القران هنيه راح تحسون راحه اكثر واكثر لانكم قاعدين تحفظون القران بطريقة سهله ومريحة وملاحظه انتم مومجبورين انكم كل يوم تحفظون سطر انا قلت حسب الراحة النفسيه يعني متى ماحسيتوا انكم تبون تحفظون احفظوا واعتقد سطر واحد اسهل منه مافي صدقوني يااخوان ان هالطريقة هذي انا مجربها شخصيا والحمدلله احس اني قاعد احفظ القران براحة تامه وبدون اي ضغط او تعب لكن مثل ماقلت لكم وين مااروح اردد الايات اللي حافظها علشان ترسخ في بالي

اخواني وخواتي الانسان لو يستمر على الطريقه هذي ويموت راح يكون عنده نيه انه يحفظ القران كامل وان شاء الله يكتب له الاجر حفظ القران كامل لانه مات وهو حاط في راسه حفظ القران حتى لو حفظ سطر واحد ومات يكتب له اجر القران كامل ان شاء الله والرسول صلى الله عليه وسلم يقول00 إنما الأعمال بالنيات، وإنما لكل امرئ ما نوى، فمن كان هجرته إلى دنيا يصيبها، أو إلى امرأة ينكحها فهجرته إلى ما هاجر إليه)).

واذا عندكم اشغال انصحكم ترددون السطر اللي حفظتوه في شغلكم اذا في وقت فراغ علشان ماتنسون وردكم اليومي وفي مصحف حجمه يسمح لنا بحمله داخل الجيب اذا مثلا نسينا اية ونبي نتاكد منها ويمكن شخص يسال اذا ماقدرت احفظ يوميا والجواب عادي متى ماحسيتو انكم تبون تحفظون امسكو المصحف واحفظو يوم وترك يومين وترك حتى لو اربع ايام ماقدرتو تحفظون عادي بس اهم شي انكم خلال الاربع ايام اللي ماقاعد تحفظون فيها رددو الايات اللي حفظتوها علشان ماتنسونها

اكرر متى ماحسيتوا انكم تبون تحفظون احفظوا محد مجبور انه يحفظ كل يوم حسب الراحة النفسية