حب الوطن من الإيمان

شوفوا الأب





وشوفوا الأبن






سبحان الله !!

ما جايين ندخل في قضية سياسية بس حضرني شيء لما شفت واحد من الشباب

أنا لي رأي وهو ان التربية أساس للأنسان صح لكنها ما أساس الأساس بتسألوا كيف بعني !!

اممممم يعني عندنا مثلا واحد بسكنا كان بزمانه ينصحنا وما يفوته فرض بالمسجد عند اهله

ولما دخل الكلية بسبب رفقة السوء كل اللي تربى عليه بسنوات ضاع بلحظة

تأيدوني بالرأي ولا !!

لأن كل ما شافوا واحد ما زين قالوا أهله ما عرفوا يربوه !!! تأيدوا هالمقولة يعني !!

لا طبعا لو على الأهل كان ولدهم أحسن واحد في عمان بس يبقى هذا على قوة الشخصيه وكيف يقدر إنه مايتأثر من الناس الثانيين إلا بالشي الزين

مر قررنا نروح دبي عشان نشتري حال العيد..جيرانا قالوا بيروحوا معنا مع انه نحن ما نعرف درب دبي بس كان معنا الشبح النافيجيتر قالوا تم بنمشي معكم..
طلعنا حدود س 6 الفجر ومشينا وما شاء الله جارنا يمشي 80 ويمكن اقل نحن قدام وهم ورانا بس اسميه هلكنا وصلنا حدود دبي س9 ونص بعد مشقة طويييله فالوصول
كان زحمة وااايد عند الحدود..مشيناها..او ما دخلنا دبي بدأ النافيجيتر بالوصف..ماشاء الله كان يوصف مكان ثاني ما كأنه دبي
خذ الدوار...وما كان شي دوار
خذ المخرج الثاني...ماشي مخرج ثاني
لقد تجاوزت الحد المطلوب فالسرعة..نمشي 60 عشان جارنا ما يغيب عنل

واستمرت الحكاية لين وصلنا مركز المنال س11..ريحنا فيه شوي واشترينا الاغراض..

طلعنا ....وااااي يوعانيين...قالوا جيرانا بيروحوا سوق نايف وسوق بندر عباس عشان اللندني""اللبسة المميزة والمفضله""
دقينا مشي حوالي نص ساعة لين وصلنا عشان نشري اللندني وفالحلقة الاخيرة ما لقيناه
ورجعنا مرة ثانية نص ساعة لانه السيارات موقفات فموقف واذا طلعناهن ماشي مكان حلهن

المهم قلنا نريد غدا يوعانيين..لقينا قدامنا مطعم صنعاء قلنا يالله هناك الدنيا مندي دجاج عالفحم
دخل اخوي المطعم وسألهم اذا كان في مكان للعائلات قال شي..
رحنا المطعم دخلنا..اللي تحت شكلهم مقزز استغفر الله ياكلوا بطريقة تلوع بالكبد..نحن ونركب اقول لاختي يالله بناخذ راحتنا وبنتغدى
الا والصدمة
لا عوائل ولا شي تنزانيين وسودانيين واشكال غريبة تاكل بطريقة همجية وتلوع واع واع واع وخاصة واحد لفتلي نظري اقصد لوعلي بكبدي ياكل ويفتح فمه بطريقه عجيبة والصالونة تنسكب من يدينه واع واع واع

طلعنا بسرعة والله شوي وبنرجع..قلنا بنطلع من المكان كله وبندور على مطعم محترم..نحن كان عندنا ناكل سندويتش بس جيرانا كانوا مصرين عالعيوش واخوي الزمنا انه ناكل مثلهم..قلنالهم خلا كارفور ما رضى اخوي ابدا
قلتله مكان نظيف ونعرف الدرب بنصلي ونريح ما رضى
المهم ظلينا نمشي بالسيارة لمدة ساعة ونص ونحن ندور مطعم يرضابه اخوي..
الصدمة الثانية النافيجيتر بند ما اعرف شو صارله..المهم غيبنا الدرب ووصلنا حدود ابوظبي
وجلست اتنازع مع اخوي وعصب علي وقالي سكتي

من الغم سكتت وجلسنا نتبع اللوائح ندور على حتا-عمان
واخيييرا لقيناها ورحنا بعده سوق التنين

اكنه العيد لما وصلنا س4 العصر.. المهم رحنا تغسلنا وصلينا...جوعاااااااانييييييييييين شوي وبتطلع روحنا من الجوع
شفنا كشك مال فطائر وشي مال سندويتشات..
قلت لاخوي انا اريد مال فطائر انظف واحلى..والكل اتفق معي حتى جيرانا اصحاب العيوش خذوا فطائر
اخذنا جوله بسيطه واشترينا""صراحة بضاعتهم من ملابس واحذية وشنط رهييييبة""
طلعنا من سوق التنين س6 ونص ورجعنا البلاد..
حدود س8 وصلنا صحار صوب فلج القبايل..
جيرانا أبو ان يرجعوا البيت وما ماكلين عيوش..طفنا على مطعم وتعشينا مندي مضبوط...
وبعدين رحنا نصلي..ورجعنا البيت..وصلنا س11
وخلصت رحلتنا...
بس رحلة ما بننساها ابدا..ومنها قلت ما اروح دبي ابدا الا مع حد يعرفها معرفة تااامة

عاد بصراحه ما رحله يا وادي الذئاب بس أهم شي اشتريتوا أغراض للعيد هع

الشعب محصل مكآآآن يخمس فيهـ

سويت خير مجودهـ صراحه


بنجي بدين نعق علووومنا

زين زين بدأ النشاط غاويات علومكم

بصرآحة شكر كبير حآل محب الإعلآمية

ما مقصر أبدا

صور تعبيرية وكلمات جدا رائعة

شكرا ^^

جالس اتجسس عليكم قصدي اقرأ علومكم

مشكورين ع هالموضوع ..ضحكتونا واتحفتونا بصوركم

عاد محب الإعلامية ما مقصر ابدايا ليت لو يتحفنا بشي من واقعه اليوميومشرفينا ما سدحولنا شي من تجاربهم^_^

ههههههههههه

يقطع شرج واديو ..
وااااااااككككك ..
حماسنج هالرحلة بجد .. تعرفي هالمواقف هي اللي تخلي الواحد يتذكر رحلاته ..

عيل مرة حن طالعين مسقط ورحنا شاطئ الجصة ..
وعاد ابوي قالنا شرايكم نركب قارب وناخذ لنا دورة بالبحر شوي ..
وهي اول مرة لنا .. قلناله ابو الحماس .. يلا نروح ..
وروحنا .. وامي من البداية ماكانت مطمنة للطلعة وللقارب ابد .. [ سبحانك ربي كيف احساس الأمهات ]
المهم انا كنت مشتغلة هزاز وجالسة مكان واحد وماتحرك .. حتى يادوبي الف براسي يمين ولا يسار .. جالسة ومقابلة بنت عمتي واختي ..
هههههههههه .. وحدهم كانو خايفين ..
واخواني كل واحد مسوي فيها شجاع وسيد البحار .. واقف ع راس القارب ومامتمسك بشي ..
هع

المهم اخذنا دورة والمناظر روووووووووعة بجد .. بنص الدرب هذا .. توقفت المكينة !! << مال القارب لاه ..
يممممممه .. ربي ستر وردت تشتغل ..
بعدين عاد .. امي قالت بس خلاص نرجع .. عن يصير شي ثاني ..
وحن راجعين .. بعده فيه مسافة عن الشاطئ .. توقفت المكينة مرة ثانية ..
وهالمرة مارضت تشتغل ابد .. قالت ما بشتغل يعني مابشتغل ..!!
وكان فيه موج البحر شوي .. يعني الورطة صارو ثنتين ..
اخواني وابوي وصاحب القارب يقدرون ينزلون بس نحن كييييف !!؟؟
واخواني الأذكياء بعد ما قصرو ابوي يقول لهم انزلو شوي شوي لأنه القارب مامستقر ..
هم لا .. قامو ينطون يوقفو ع حافة القارب وينطو ف البحر .. ويقوم القارب
يمين يسار .. شوي وبينقلب .. وامي تصارخ وانا اهدي فيها وقلبي بروحه صاير طبووووووول ..
والناس اللي ع الشاطئ من شافو الوضع جو يساعدونا المساكين وسحبو القارب للشاطئ وساعدونا ننزل ..
والحمدلله عدت ع خير ..

بس للحين نذكر هالرحلة الغاوية لأنه هالموقف صار فيها .. وهي صايرة من سنين .. أنا كنت وقتها ف الابتدائي [ المدرسة ] << أيام زمااااااااان ..
هع
حمااااااااسيشن

مجودة ذكريتيني بروحتنا للسوادي وركبتنا فيه ركبنا هبشة فواحد وفرحانين بعمرنا واجد من بدأ يتحرك ما تسمع إلا صراخ الكبار كانوا أكثر خوفا وأنا متشبثه بمكاني ما تحركت مكان والصغار سايلنت ولا بعد يقهروك بالرغم من الخوف ماسكين كاميرا ويصوروا شكلنا ضحوك وفدربنا للرجعة كل حد يدعي نوصل سالمين كان عددنا كبير وخيفانين ينقلب علينا^_^والحمد لله عدت عخير وأهم شي ماحد شافنا

سسترات شمبشن وراحة القلب والله تحيجونا البركة فيكم



أنتظروا الجديد شوي مزحوم هاليومين وبنزل بقدر تصفحي واستطاعتي


أهم شيء الإستفادة وتبادلها لو بكلمة لي عودة