ينجرح قلب لكن ترتفع هامة
................ والله اني اموت و لا انحني راسي
لو رماني زماني وسط دوّامة
................ العواصف شديدة و الجبل راسي
انقل الحزن و امشي منتصب قامة
................ قاسي الوقت .. لكنّي بعد قاسي
و اسمع الحلم يصرخ لحظة إعدامه
............... رابط الجأش ، ما هز الخبر باسي
عزتي غالية ، و الناس سوّامة
.............. قلت ما أبيع حتى تقطع انفاسي
من عجز لا يدوس الهم باقدامه
.............. لازم انه مع الايام ينداسي
يندمل جرح قلبٍ ماتت أحلامه
............ بس ما اظن يبرى جرح الاحساسي
يوم صارت ما بين القلب ، و الهامة
............. وش ابي بالحياة اليا انحنى راسي ؟