إعـــــــلان

**حمود المخيني** · 14-10-2011, 05:59 PM

يقول سعد علوش :

من جرّب الطيّب ... يعيف الرخومي !!

**حمود المخيني** · 15-10-2011, 11:25 PM

دكتور \ ما عندي عذر للغياب
و ادري بـ أنّي ( خمسة أيام ) غايب !

ان كنت تسأل : وينه حموود غاب ؟
اقول ما لغْــــــيابه أيّــة سباااايب

استاهل حسابك . . . و مرّ الحساب
عشان ما أصبح مع الوقت ... عايب

وتستاهل ْغصوني غيوم العتاب
عشان تزهر ورد زاهي و طايب !

دكتور ما فيني مرض واكتئاب
لكن أعاني من غياب الحبايب !

غرست اسمهم في غلاف الكتاب
وامطرت من عيني عليهم سحايب !

ذاك الحبيب اللي سقاني سراب !
وشفت من فعْله عجايب .. عجايب !

ان كان لــ وْصاله صلاة وْ ثوابْ
صليتها وأصبحت زاهد و تايب

دكتور ما تفهم هموم الشباب
انته معرّس . . وانته اللحين شايب !

أنا مواطن ... بسّ عشت اغتراب !
عندي قرايب . . بسّ كانوا قرايب !

وْ عندي عداوة مع " جيوش العذاب "
متى يعززّني " الفرح " بـ الكتايب ؟

دمّــي : أمل .... يجري بكل انسياب
حتى نزفت وْ صرت يائس و خايب !!

دكتور \ ما عندي عذر للغياب
سجّل بأنّي خمسة أيام غايب !

حمود المخيني

.

**حمود المخيني** · 16-10-2011, 01:04 PM

انتــــظـــــاااااااااااااااااااااااااااااااااار

**حمود المخيني** · 16-10-2011, 04:29 PM

\\

صدفة تلاقينا . . . وشفتك بـ صدفة
مدري تبعتيني ؟ .. أونّي تـبعتك !؟

**حمود المخيني** · 16-10-2011, 04:34 PM

\\
\\

حاولت أغض الطرف .. لكن ما قدرت
من وين ما شحت بْعيوني .. شفتها !

\\

**حمود المخيني** · 16-10-2011, 07:44 PM

\
\

ما دام حزني .. يغرس فـْ صدري أوتاد
هو عاد تقدر تــنزعه .. نسمة العيد ؟

\
\

**حمود المخيني** · 16-10-2011, 07:44 PM

شكرا لكل من اعطاني تقييما

\

**حمود المخيني** · 19-10-2011, 11:54 AM

\\

الأربعاء : هو أجمل أيام الأسبوع
تحس نفسك طول الأوقات فاااضي

ترجع الى بيتك ... وتذرف لك دموع
وتغسل " تعب و هموم و أحزان " ماضي

واحلى شعور تحس به يومَ الْرجوع
لمّا تحس ان والدك .. عنْك راااااااااااضي

\\

**حمود المخيني** · 21-10-2011, 03:13 PM

جمعة مباركة

للجميــع .,~’ْ

**حمود المخيني** · 22-10-2011, 10:52 PM

\\

سفينة أفراحي .... فـ حزني غارقة
وْ مدري اذا مكتوب لأفراحي .. نجاة !

\\

**حمود المخيني** · 22-10-2011, 10:54 PM

ما انزرعت ... الّا ونا متعشّم بـ غيم الفلاح
............................. لا هطل غيمه ... ولا فرّعت أغصان ْو ورقت !

**حمود المخيني** · 25-10-2011, 12:08 PM

\\

احترم دكتور اسمه : .. عادل العاني
هو رَجل يفرض علينا الأحترام

محترم .. واعي .. وحقّاني و متفاني
صرت ااتعلّم معه .... ( الألتزام )

لا تقولوا من بياخذ عندَه يْعــااااااني
" الفعل " يا صاحبي ... غير " الكلام "

**حمود المخيني** · 28-10-2011, 02:13 AM

\\

انتي : هو الحلم الوحيد اللّي
في كل فجر ... آصافحه بيْديّ !

\\
\\

**حمود المخيني** · 18-11-2011, 12:55 AM

\\

يلّي تسائل...ويش هي أخباري ؟
أنا ( جفاف ) و ( شوفتك ) أمطاري

تعال ارسم في شفاتي بسمة
ما للفرح من ( يوم هجرك ) طاري

تعال اقرأ في قصيدي حبــّــك
واترك طلاسم ما لها من قاري !

تعال ضمّد جرح من أسبابك
بعْد الله انته ( للمنازف ) باري

مشتاق لك شوق الغريب لداره
أنا الغريب و ( جوف صدرك ) داري !

جرّبت أطفّـي ( لهفتي بك ) لكن
شبّت ( براكين الوله ) في ناري

حاولت أفكّر كيف ( أغري ) وصلك
عشان بسّ تحيط بك أسواري !

فكّرت / لكن ما لقيت الفكرة
لنّك رحلت و سبْقَـــتك أفكــاري !

ان كان ( وصْلك ) ثوب .. شلّي يستر ؟
عاشق بقى من بعْد هجْرك عاري !

وان كان بعْدك ذنب / والله بغْفـِـر
ونا على ( كثْر المسامح ) ضاري

أدري .. ( غريب الطور ) لكن ! .....ارجع
أنا أحبّك في جميـــــع أطواري !

يللي تسائل ... - انت ! - ...ويش أخبارك ؟
تقدر كتوفك تحتمل أعذاري ؟!

كانت هنا .. ازهار ( تزفر ) عطرك
يا للأسف .. غاب العطر و أْزْهاري

أمّا تجيني .. تستمع لأخباري
ولّا أموت .. وتوصلك أخباري !

حمود

**حمود المخيني** · 25-11-2011, 03:40 AM

\\

ضيفي و أدري سقيتك من دلال الحزن
لكنّه " الجود بـ الموجود " يا صاحبي !!

إعـــــــلان

مت ّ أثناء تحضيري لوصفــة خلودي ! - بوح الشعر

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق