إهداء إلى (أمــــــل) التي لا أعرفها
ولكن أخبروني عنها..
/
\


أمل..
أدري بأنك تنزفين
ومن ينزف الليلة حزن غيرك..؟؟!!
وأدري بأنها هالسنين الخمس معزوفة ألم
توقف على بابك وتعزف لك ندم
وإن مرّك الجرح القديم
أقصد..إن مرّك الجرح الأليم..
سولفي لليل عن حزنك
وغيبي/ إيه غيبي..
مدامهم ما قدروا "روعة حضورك"
مدامهم طفّوا من الأيام نورك..
إيه غيبي..!!

*****

يا أمل..كل الشوارع تنرفك..
والبرد قارس
والليالي سود..سود
وطعم الخيانة مر
وأنتي..أنتي
تحلمي بليلة "زفافك"
لين تذرفك العيون..
وما نلاقي حتى قطرة من نفافك..

*****

وجتني هنــد في زحمة شجون القلب تسألني:
انا انسانة مهمة أو تمثّل فـي حياتك شي؟؟

وقلت: إنتـي أهم امــن المهم اللي يغالبني
صديقة تملك احساسي/تحببني فـ (دار الحي)

أنا لو مت..!! وش بيصير يعني،، بينتهي العالم؟؟
أبد ما ظن هالعـالـم بتطوى صفحته بموتي..!!

(صغير الليـل) لا سدد طعونه فــ دفّة الحالم
(كبير الحلـم) لا منــه تعـدى همهمة صوتي

يا بويه لو ذبل غصن الحنين بهالقلوب وطاح
تظل دروبنا حزن الــوداع وسكـة الغربة

تنهدت الغياب اللي خذاك ودمعتي تجتاح
جبينٍ بلله طهـر الطفولة / لـوعة الكربة

يا بويه هالسفر كانه كتبني للدروب جراح
قرتني هالسنين الخمس طيرٍ تاه عن سربه

تمر أيام..

....واحس إنك قريب..قريب
........ولا يصدق سوى بُعدك
...........نسيت إنك بديت تخون
...............نسيت إنه كذب وعدك

ياااااااه والايام تصرخ /كل هالذكرى حزينة
تلتحف برد الضلوع/وتسكن جروحي حزن

تعصف باغصان روحي/تنكسر وتصيح وينه
؟؟؟؟؟

جفّت الارض بعروقي (و يــــــــــ ن ك ؟؟)

أحتاجك مزن..!!


وينك أحتاجك مزن؟؟؟!!

ياللي طرقت الذاكرة ثم اقفيت
في معمعة هالذكريات وشجوني

ليتك وقفت وليت إنك تماديت
فالطرْق لين أشعل لبردك جنوني

مسافرة
وبعثرت اشيائي
علّي الاقي شي أقدر آخذه
يمكن هدب
يمكن قلب
يمكن سبب
يقنعني أبقى للجروح
وإلا وطن
احيا فـ ظله وما أروح
وإلا طفل
أشعر برجفة أضلعه
أشعر بحرقة ادمعه
ساعة يودعني واصيح
وانثر دقايق ساعتي
يمكن أحصّل لي عذر
واتعثر بعذري واطيح

مسااااااااااااااااااااافررررررة

الليلة يسكنني ألف جرح
وتسكنني ألف قصيدة
وتسكنني ألف روح
ومع هذه الآلآف التي تسكنني
أشعر بأنني خواء..
خالية من كل شيء
حتى من نفسي..

فياااااااااال سخرية القدر..

ولهاتفي مع الشعر حكاية...ففي ذاكرته تختبئ مئات الأبيات..
مـــــــ ن هـــا :

يا غربتي
ياللي نفيتي هالصباح
مليت من كثر الجراح
أتوسلك
ما كفتك رعشة يدي
والا غدي
ذنبك مباح
لو غربتي صارت خطاي
وما عاد تسندني عصاي
ارثي مساي
ومعطفي
يا شمعتي
/لا تنطفي
تدري بصيصك
/دائرة
فيها أدور وانتهي.

دخون

/////

يا هاليدين مدي لي طهر روحك كلتني الشمس
(وحيدة)... كثر ما ضاع من عمري بمعرفتك

لمن الجأ ياريت اللي لجأتلـــه بحزني حس
تسرمد في عيوني الشوق حطمني ولا شفتك

أسوار صور

/////

لا تسألي والحال مكسور مكسور
انتي تركتي الغصن للريح عاري

مليت ضيقة غرفتي اشحت النور
كوني خذلني وين يطلع نهاري؟؟

عبدالعزيز العميري

/////

ضايقة بالحيل محتاجة اشتكي
لولا طبعٍ فيني يمديني شكيت

بس أدور عذر منشان البكي
لو يدوسون بطرف ثوبي بكيت

ويش بيدي أفعله غير الحكي
قاصرة خطوات رجلي لو مشيت

عابرة سبيل

/////

عن سطوة البرد محتاجة ليدينك
ومحتاجة لكوب قهوة ينعش أنفاسي

ياللي رحلت وذبل صوتي على وينك
البرد قاسي وانت تشابهه قاسي

العنود العبدالله

////

للحناجر صمتك المليان ضيق
للشفاه البوح يا عذب الكلام

لو يخونك كل شي بهالطريق
ما يخونك هالحزن ولد الح....

حمد البدواوي

/////

كذا لا فوتو شوب ولا رتوش ولا فرش مكياج
أجردني عن أصباغ الظهور بصورة المشهور

أسوُد أو يا عساني للقيامة الحافي المحتاج
محال أستكتب أبياتي لاسامي الناقصين شعور

جمال الشقصي

//////

سجد قلبي على رمل الضلوع وهزه التنهيد
وانا في جوفي خيام الندم والخوف منصوبة

أنا ما نيب لا مشرك ولا فاسق ولا عربيد
أنا اللي لا عصى واخطا تجهم واقلقه ثوبه

نايف صقر

/////

ربما يــــــ ت بــــــــــع..

نداء للذاكرة:

(يا الذاكرة
إن جيت أزحف لك تعب
افرشي لجلي عيونك
مهديني
كوني أقرب من سنيني
وإن غفيت
وإلا نمت ولا صحيت
كفنيني
كفنيني
كــ فــ نــ يــ نــ ي..)

رحيلٌ إلى آخر الوجع

من أين نهرب...إلى أين نهرب؟؟
من الصدمات إلى الصدمات؟؟
أم أن ليل الرحيل طويل
يتوّج درباً من الأمنيات؟؟
ويزرع حقلاً من الأغنيات
ندندها حين يصحو الغروب
فتدنو فلول من الذكريات..
ونحن ندندن:
" رحيل ٌ..رحيلٌ...رحيلٌ..رحيلْ
ويمتد حزنٌ إلى مقلينا..
وينثال دمعُ على وجنتينا..
ونحن ندندن:
رحيلٌ
ر ح ي ل..
إلى آخر الوجع "القرمزّي"
إلى حلكة اللون حين يذوب
ويخلط حلكته بالدماء
ونحن نفكر:
(آلا لات من مهرب للسماء؟؟!!)
فلا الأرض أرض ولا الماء ماء
فلا الأرض أرض ولا الماء ماء
فلا الأرض أرض ولا الماء ماء


(إلى الدكتور...محمد عيلان..في رحيله المفاجئ)

ليس شعراً ولكنها معزوفة للألم:

كلهم مروا
خذوا من عمري الشي الكثير
وانا في وقفتي ما زلت
باسطة كفي لوجه الريح
أنتظر منهم عطا
وما عطوني غير ثوب (الآآآآه)
وجيت اسألهم:
عطيتوني لوجه الله؟؟
قالوا: لاااااااا
(طلع ضيّق
واحنا ندّور الواسع
وانتي يناسبك هالضْيِق)

حـــــــــــوار

قالوا: وطن

وقلت: الاحلام أكبـر..

قالوا: حلم

وقلت: ما عاد به حلم..!!

صباحٌ "سلطاني" النكهة..سكّري الملامح

أرتشفه بروح أخرى
وعبق مختلف..


"كم أشعر أنني أحبك هذاالصباح"
وتتفتح هنا مليوووون وردة
وألف باقة حب
وألف شكر..
لـــ

"قلبك الذي منحني الحياة"