تويت
الفصل السابع عشر.gif "Smiles (71)")
شوج وهي فاتحة حلجها ومب مصدجة اللي صار.
شوج : الله يستر ....اروح اغير رجمي اشوالي.
.....................
في بيت بو عبدالله ....الكل مرتبش بالتحضير للملجة.
مريم ونور ونورة جاعدات بالمطبخ يرتبونه ويجهزو الاغراض ويشوفو النواقص وغيره.
نور : مريوم وينها بنت عمج شوج؟؟.
مريم : بتيي بعد شوي ....جاعدة انتظرها .
نورة : كيف شكل فستانج مريوم؟؟.
مريم : خليها مفاجاة .
نور : ياربي ....انا ونورة مخيطين نفس الفستان.
نورة : أي صح.
مريم : ومنار كيف شكل فستانها.
نور : مادري ...رفيجتها شارتنه لها من لبنان ....والظاهر انه فخم ....بس ماعرف شكله.
وفجاة تدخل شوج .
شوج : اهلين بنات.
نور : ياه شواجي شخبارج؟؟.
وتسلم نور ونورة على شوج لانهم من فترة ماشايفينها.
نورة : تصدجين تونا نسال عنج.
نور : ضعفانة وايد شواجي .
شوج : لا مب ضعفانة ....هذي التنورة ضيجة.
مريم : ياية بدون عباة شوج؟؟؟.
شوج : فصختها بالغرفة ....سلمت على خالتي ام عبدالله والخالة نها وحصة ومنار وهم جالولي انكم هني .
نور : انزين يالله ساعدينا ....خذي هذا الكرتون.
مريم : وخالتي ام مراد ومراد مابيون؟؟؟.
شوج : مراد بالخيمة جاعد يساعد...وامي بتيي بعد شوي.
نور وهي تضحك : تسال عن الحبيب مراد.
نورة : الظاهر ان مريم غرجانة بالحب.
مريم وهي مستحية : حرام عليكن ....سكتن.
شوج وهي تضحك : اونها مستحية.
وتضحك البنات.
وفجاة يدخل عبدالله ....كان لابس بنطلون جينز ازرج ...وبلوزة حمراء وشعره على اكتافة....شوج جعدت تضبط شيلتها ....ونور ونورة يضحكن .
عبدالله : احم احم ..السلام عليكم .
نور : اونه عاد مستحي .
( نور ونورة بنات خالته متعودين عليه ومابينهم كلفة ابد).
عبدالله : سكتي ام لسان ....مريوم يالدبة ييبي ماي من الثلاجة.
مريم : تمام ...خذ ....ومرة ثانية دج الباب قبل ماتدخل ....عندنا بنات.
عبدالله طالع مريم بنظرة وطلع.
نورة وهي تضحك : شفتو شوج وهي تضبط شيلتها؟؟.
شوج : عن الطفاسة ...يالله نكمل شغل.
نور : صج ان الحب عذاب.
مريم وهي تطالع نور بنظرة ...ويضحكن البنات.
بعد دقايق يدخل هزاع .
(وهزاع من طبعه معروف عن صياعته وخبرته بالبنات ....كان غايب عن الجامعة بحجة المساعدة بالتنظيم لخطوبة اخته حصه ).
هزاع : الحلوين شو جاعدين يسووا؟؟.
مريم : هزاع بلا طفاستك...شو تبى؟؟.
هزاع وهو يطالع نورة : نورة ممكن تعطيني المجص اللي يمج ع الطاولة؟؟.
نورة وهي تاخذ المجص من على الطاولة وهي تطالع هزاع ورافعة حاجبها : خذ .
هزاع : تسلمين حياتي .
ويطلع هزاع والبنات منصدمات منه ...وجعدن يضحك الا نورة اللي كانت محترة من حركته.
نور : ومن الحب ماقتل.
شوج وهي تضرب نور ع كتفها : انتي لسانج طويل .
ويضحك الكل.
وبعد الانتهاء من التحضيرات والترتيب للحفل ....مابجى الا يومين ع الحفل.
....................
ويوم الخميس ...العصر ....بيت بو عبدالله مرتبش ....وحصة جاعدة مع الكوافيرة بغرفتها عشان تزينها وتضبطلها التسريحة وتحطلها المكياج.
ومعها منار ونور.
حصة كانت لابسة فستان بيج ضيج ومزين بخرز ازرج ....كان طويل وفيه ذيل وعليه شال ....وشعرها مرفوع كله ع فوج ومكياجها كان خفيف ...بودرة تناسب لون بشرتها القمحي وكحال اسود يطلع جمال عيونها ويكبرهن وفوج عيونها مكياج ازرج واحمر شفايف يميل للون الوردي.... ولاننسى الاكسسوارات وكانت طالعة وايد حلوة.
شوج ونورة كانن بغرفة مريم جاعدات معها يتجهزن ويضبطن مكياجهن وفساتينهن.
شوج كانت المتالقة من بينهن....لدرجة انها طالعة احلى من العروس...لابسة فستان احمر طويل مزين بحزام فضي ومزين بخرز وسلاسل فضية...وفتحة الظهر كبيرة وايد ...كانت رابطة شعرها على شكل ذيل فرس...وشعرها متدلي على اكتافها وواصل لحد خصرها.....وحاطة مكياج خفيف بودرة واحمر شفايف احمر فاقع وفوج عيونها مكياج احمر وفضي.
.............................
في الخيمة الامهات جاعدات يرتبن الخيمة والوسايد.
ام عبدالله : بعد شوي بيوصلوا المعازيم.
ام مراد : يالله تقريبا كل شي جاهز.
الخالة حليمة: يالله نروح نشوف العروس اذا جهزت.
ام عبدالله : يالله.
ام حمدان : بتصل بحمدان اشوف احواله.
وتتجه الامهات لغرفة حصة اللي كانت تقريبا جاهزة بس باجلها شوية لمسات وبتكون تمام.
تدخل الامهات وتوجف حصة اللي كانت مستانسة وايد .....وتقترب منها امها وتبوسها والدموع بعينها.
ام حمدان : ماشالله عليج ياحصة قمر.
ام عبدالله وهي تصيح وتحضن حصة : الله يوفجج يابنيتي.
حصة : يمه لاتصيحين...ولا انا بعد بصيح وبيضيع المكياج.
الخاله حليمة: تراها الا خطوبة ....بنتج مابتروح الليلة.
ام مراد : الله يهديج ياام العروس.
منار ونوركانن واجفات يطالعن الموجف ويبتسمن.
وفجاة تدخل مريم ونورة وشوج .
مريم كانت لابسة فستان ازرج باكمام طويلة وعليه شال وطالعة وايد حلوة.
ونورة لابسة فستان فضي بدون اكمام وبدون شال وطالعة فيه كشخة واختها نور لابسة شراتها بس حاطة ع اكتافها شال رصاصي شفاف.
اما منار فكانت لابسة فستان اخضر يغلب عليه الستايل الغربي وفيه فتحة لحد الركبة وفتحة الصدر والظهر واسعة وحاطة مكياج اوفر اكثر من العروس .
نورة وهي تتمسخر : وابوي خالتي تصيح.
شوج : نورة عيب...ههههه.
مريم : اماه بتصيحي حصة حرام.
ام عبدالله : خلاص مابصيح.
ويضحك الجميع.
وفي مكان ثاني في الصالة.
عبدالله وهزاع وجاسم متكشخين مرتبشين ويرتبوا ويشوفو النواقص.
عبدالله :هزاع تعرف وين المقص؟؟.
هزاع : شوف في غرفتي على الطاولة.
جاسم : اجول عبود مايصير تركب البنات فوق.
عبدالله : البنات في غرفة حصة ...وانا رايح غرفة هزاع.
يصعد عبدالله الدري ويتجه غرفة هزاع في الطابق الثاني.
طبعا بالفعل البنات كانن بغرفة حصة الا منار اللي كانت جاعدة تتصل برع.
عبدالله مانتبه لمنار ودخل غرفة هزاع...بس منار شافته ...وجعدت تتلفت يمين ويسار وتبعت عبدالله.
(طبعا منار معروف عنها بالعايلة انها تحب عبدالله وتبيه ....بس عبدالله مايباها لانه يحب شوج ....بس هذا مامنعها انها تحاول معاه).
عبدالله في غرفة هزاع جاعد يدور عن المجص...وفجاة تدخل منار...عبدالله يلتفت ويشوف منار وهو منصدم.
منار : عبدالله شخبارك؟؟.
عبدالله : انا تمام وانتي ؟؟؟.
(طبعا عبدالله كان منزل عينه بالارض لان فستان منار كان وايد كاشف وشعرها مامغطاي).
منار : طالع وايد كشخة بها الدشداشة .
عبدالله كان لابس دشداشة بيضة ومتعمم بعمامة صوف لونها ابيض وشال خيزران بايده.
منار : عبدالله اذا ممكن يعني ..نتكلم ؟؟.
عبدالله وهو مرتبك : اكيد بس الحين انا مشغول.
منار : طيب انا بروح ...اشوفك بعدين.
وتطلع منار وعبدالله منصدم ويجعد ع الشبرية وهو زايغ.
عبدالله : اشلون عندها الجراة انها تكلمني وهي بهالمنظر.
وياخذ عبدالله المجص ويتجه للصالة .
في الصالة.
هزاع وجاسم جاعدين ينظموا الصالة .
هزاع : كاهو عبود يا.
عبدالله : هزاع ابوي بالخيمة صح؟؟.
جاسم : أي بالخيمة ...اجول عبود اذا تبى مساعدة ازجرنا اوكي؟؟.
عبدالله : اوكي.
........................
في شناص وبالتحديد بيت بو عبد العزيز.
........................
ام عبد العزيز وخواته جاعدات يتزينن ويتكشخن عشان يروحون ملجة حصة.
اما عبد العزيز وابوه كانو جاعدين ينظفون سيارة الكروزر الخاصة بالعايلة.
عبد العزيز: يبه انا بروح البس اوكي ؟؟.
ابو عبد العزيز : اوكي يالله روح وجول حج امك وخواتك يخلصن بسرعة.
عبد العزيز : انشالله يبه.
ويتجه عبد العزيز للبيت.
عبد العزيز بصوت عالي : اماه يجول ابوي خلصو بسرعة.
ام عبد العزيز وهي طالعة من الغرفة : نحن خلصنا بس انت بعدك ....يالله روح تلبس.
عبد العزيز : انشالله يمه...يالله انا رايح.
.......................
في لوى وبالتحديد بيت بو عبدالله في غرفة حصة بالطابق الثاني.
......................
حصة والبنات كلهن بالغرفة اما الامهات نزلن الخيمة عشان يستقبلن الضيوف.
حصة : شواجي حبيبتي كم صارت الساعة؟؟.
نور : ياربي مستعيلة.
شوج وهي تبتسم : الساعة ست احينه.
ههههههه
الفصل الثامن عشر
الفصل العشرين
الفصل الحادي والعشرين
تعليق