إعـــــــلان

**بورش 09** · 03-08-2009, 07:44 PM

بالتوفيق....الله يكثر من امثالك

**بورش 09** · 03-08-2009, 08:43 PM

ووووووووووينك يا عبد العزيز؟؟؟؟؟

**راعيها عاشقها (ولد لوى)** · 03-08-2009, 09:07 PM

مرااااااااااااااااااحب

أشكركم ع الردود بس بغيت أسال ...

شو تجصدين ياحمامة اللواء إنج تبين تبردين حرتج بشوج ؟؟ههههههههه فهمي ضعيف

يابورش أنا موجود يالطيب .....وأشكرك ع الردود وجزاك ربي خير بس مافي أجزاء اليوم ....يكفيك ...هههههه.

سلاااااااااااااااااااااااااااااام شبااااااااااااااااب

***طالبة زراعة*** · 03-08-2009, 09:53 PM

وعدتنا ب3 أجزاء ونزلت 2

**راعيها عاشقها (ولد لوى)** · 03-08-2009, 11:16 PM

الفصل الرابع والثلاثين

......................

في دبي في الشقة .

........................

جواهر راجدة في الغرفة ...وريلها فراس في الصالة يتصل.

فراس : الوو ...زين هدي أعصابج وفهميني شو اللي صار؟؟ .

منار وهي منهارة تماما : ابي اشوفك الحين ...لازم تيي.

فراس : انا في دبي ياعمري في شغل ...كيف استأذن من المدير ؟؟.

جواهر : إستأذن وخلاص ...أبيك تو .

فراس : طيب ياعمري ...بستأذن تو وباجر انشالله بكون عندج .

جواهر : تمام يالله باي .

فراس : باي .

وتطلع جواهر من الغرفة وهي نص راجدة وتجول :

فراس منو كنت تحاجي ؟؟.

فراس : هذا المدير مال الشركة ....يجولي ضروري ارجع الشركة...لإنهم محتاجيلي .

جواهر : اوووه جد ؟؟...ومتى لازم تكون هناك ؟؟.

فراس : راح نضطر انا نطلع الليلة ....شو رايج ؟؟.

جواهر : خسارة كنا مستانسين ...بس ماعلي اهم شيء الشغل.

يجوم فراس ويبوس حرمته ويجول : تسلمين لي يا متفهمة.

جواهر : تمام ...بروح أتصل بعزوز اشوفه وين ....واجوله .

وفجأة يدخل عبد العزيز من الباب .

فراس : طرينا القط وجانا ينط .

عبد العزيز : شو السالفة ؟؟.

جواهر : فراس طلع عنده شغل ضروري وراح نضطر نرجع البلد .

عبد العزيز وبإبتسامة عريضة : جد ؟؟.

فراس : ليش مستانس ؟؟....لهالدرجة متملل .

عبد العزيز : لا مب متملل ...بس انا بعد عندي شغل هناك .

فراس : اهااا ...شغل شو ؟؟؟.

جواهر : الله اعلم شغل شو ..بس دام الكل موافج خلونا نبدي نجهز اغراضنا .

عبد العزيز : يالله .

..........................

في لوى في بيت ام مراد .

...........................

ام مراد بإيدها فستانين حج الخطوبة وجاعدة تشاور شوج اللي كانت جاعدة ع الشبرية .

ام مراد : هاااه جولي أي واحد بتلبسين ؟؟...اذا مب عايبينج بوصيلج على غيرهم .

شوج : البنفسجي حلوو.

ام مراد : زين جومي جربي نشوفه عليج .

تنهض شوج بتثاقل وكأنها كارهة نفسها .

ام مراد : شوفيج ؟؟...عمري ماشفت عروس منتفخة قبل ملجتها مثلج .

شوج : يمه أنا حاسة انا استعيلنا بالملجة .

ام مراد : اسس هذا قرار عمج ...اياج تجولين هالكلام مرة ثانية ....وبعدين انتي وافجتي ع هالشيء في البداية ...اش معنى غيرتي تو ؟؟.

شوج وهي تاخذ الفستان بقوة : هاتي هاتي ..اشوف.

تدخل شوج الحمام عشان تجرب الفستان .

ام مراد : يالله منها هالبنت ....ماشي عايبنها موول.

شوج : يمه كأنه وايد مكشف .

ام مراد : تعالي بشوف يمكن نصلحة ...تعالي .

شوج تطلع من الحمام والفستان طالع عليها روعة .

حرير وضيق بدون اكمام ومزين بالكرستال .

ام مراد : ياسلام ...بصراحة قمر وع جسمج .

شوج : يمه فتحته كبيرة .

ام مراد : مب مشكلة ....شوية تصليحات وبيستوي ضبط .

شوج : يووه زين زين .

ام مراد : بتطلعين قمر .

فجأة يصيح موبايل شوج : ترررن ترررن .

تتجه شوج بفستانها ركض ع الموبايل وتفتحه .

وكانت رنة من عبدالله .

شوج : اووف اووف ....مليت .

ام مراد : حد يدج الباب ...بروح اشوف .

شوج : هذا عبدالله واخوه اضني يايين يساعدون مراد بالزينه والكوشة .

ام مراد : زين بروح اشوفهم .

شوج : تمام يمه .

تطلع ام مراد واتم شوج ع الشبرية وبايدها الموبايل وكأنها تنتظر مسج من عبد العزيز يجوللها لاتتزوجين انا احبج وابيج .

شوج : يالله ارحمني ....معجولة مافي امل تتأجل الملجة .

وفجأة يقطع شرود شوج مسج .

تفتح شوج المسج وهي تجول : يارب يكون عبد العزيز يارب .

وكان المسج كالتالي :

" انت يادلع ياولع يانور سطع تدري لو شافك القمر استحى وماطلع مساء الدلع ".

وكان المرسل " راعي سمحة " .

شوج : معجولة عبد العزيز يرسل مسجات مثل كذا ....شو ارد عليه؟؟ .

ترسل شوج المسج التالي :

" كل شيء وله شيء بس هالشيء ماله شيء فهمت شيء أكيد ولاشي مساء الخير فيها شيء".

وبعد ثواني يوصللها مسج ثاني من عبد العزيز .

" أفهم من ردك إنج تبيني ؟؟".

شوج وقلبها يخفق بقوة : شو هالسؤال ؟؟...شو أجوله ؟؟....اصلا انا وحدة قليلة ادب ويمكن اكثر من عواطف ....اشلون باجر ملجتي ع عبود وانا ارمس عبد العزيز ؟؟.

شوج ترسل لعبد العزيز المسج التالي :

" اسمحلي عبد العزيز ...بس كان المفروض اني ما ارد عليك من البداية ....لإن هذي خيانة لشخص

بيصير باجر زوجي".

ولم تمر ثانية الا وعزوز مطرش المسج :

" اشلون يعني باجر ؟؟....إنتي وعبدالله راح تملجون باجر صح ؟؟...".

شوج تشوف المسج وتحس بخوف وتغلق موبايلها مباشرة وتروح تغير فستانها وهي تجول :

خلاص ارضيت ضميري ...خبرته كل شيء ....لازم يتفهم ...لازم .

........................

الساعة السابعة مساءا فراس وصل عبد العزيز وجواهر الى بيت ابو عبد العزيز واتجه هو الى البريمي بحجة عمل مستعجل .

............................

الجميع جاعدين في الصالة يسولفون ويضحكون بمناسبة وصول عبد العزيز وخالته وريلها بالسلامة الى شناص ....عبد العزيز جاعد ع صوب وجاعد يحاول يتفاعل مع الجميع بس للأسف باله مشغول مع شوج ومب عارف شو يسوي .

ام عبد العزيز : والله البيت بدون عبد العزيز مايسوى .

ابو عبد العزيز : ورفيجك حسن ياحليله ماجصر وياي بالمزرعة مول .

عبد العزيز : اتصلت فيه وجال بيمر على ....اشوفه إتأخر .

مهرة : عبد العزيز شو يبتلي من دبي ؟؟.

نها : وأنا بعد شو يبتلي ؟؟.

عبد العزيز : رووحوا فوق وفتحوا جنطتي ....فيها كيسين لونهن وردي ....وحدة حجج ووحدة لمهرة ....وفي بعد علبتين في كيس بني ....حج امي وابوي.

نها ومهرة سيدة ركض ع الغرفة .

ام عبد العزيز : وشو يبتيلي انتي بعد ياجواهر ؟؟.

جواهر : أنا حامل ماجدرت اييب شيء .

ام عبد العزيز وهي تضحك : مع اني زعلانة بس وصولج بالسلامة كافي .

جواهر : ههههههه امبلا امبلا يايبتلكم كلكم ....لاتزعلين ....اصلا مستحيل أنسى .

عبد العزيز : انا كنت بنسى لو خالتي ماذكرتني .

ابو عبد العزيز : مشكورين وماجصرتوا ....شوفتكم تسوى الدنيا ومافيها .

تنزل نها ومهرة وبإيدهن الأكياس وهن مستانسات.

عبد العزيز : عطي الكيس البني لأمي ....يمه حجج العلبة الكرستالية وابوي السودة .

ام عبد العزيز وهي تفتح العلبة : واااو ياحلاة هالساعة ....تسلم حبيبي .

**راعيها عاشقها (ولد لوى)** · 03-08-2009, 11:17 PM

الفصل الخامس والثلاثين

ابو عبد العزيز يفتح العلبة : مشكوور بصراحة ساعة حلوة ....الظاهر بتخلى عن ساعتي الجديمة مع انها عشرة عمر .

عبد العزيز : المهم عيبتكم ....وانتن يابنات كيف ...شو رايكن بالألعاب ؟؟.

مهرة ونها : وايد حلوات .

وتتجه مهرة الى عبد العزيز وتبوسه ع خده : مشكووور عزووز .

عبد العزيز وهو يحظن مهرة : ياعمري انت تستاهلين هذا وأكثر .

فجأة يسمع صوت طرق ع الباب : طق طق طق.

عبد العزيز : هذا حسن .

ابو عبد العزيز : دش ياحسوون دش .

يدش حسون وراسه بالأرض : السلام عليكم .

يجوم عبد العزيز ويخاشم حسن : مرحبابك ....شخبارك ؟؟....والله اشتجنالك ياريال .

حسن : تشتاجلك العافية ....بس ماضنتي اكثر مني ....لدرجة اني من الشوج جمت اتخيلك وياي .

عبد العزيز وهو يضحك : هههههههههه لاتجول ياريال .

ابو عبد العزيز : تعال تعال اتفضل حسون ...انت مب غريب .

حسن : لاااه عمي مشكوور بس أنا وعبد العزيز بنطلع .

عبد العزيز : ايه مستعجلين يبه ...عندنا سوالف انا وحسون .

ابو عبد العزيز : انزين سولفوا هني .

عبد العزيز : هذي سوالف خاصة بيني وبين حسن .

حسن وهو يضحك : هههههه اسمحلنا عمي ....يالله بنستأذن .

ابو عبد العزيز : حياكم ياشباب .

يطلع حسن وعبد العزيز .

ام عبد العزيز : ماشالله عليهم كأنهم اخوان ...وبعدين وين ريلج ياجواهر ؟؟.

جواهر : ايه طلع البريمي ....مستعيل عنده شغل ...ماجدر ينزل من السيارة .

ام عبد العزيز : زين زين .

..................................

في مجلس فلة الراهي ابو حسن ....عبد العزيز وحسن قاعدين يرمسون .

....................................

حسن : شوج بتملج باجر ع عبدالله ...معجولة ؟؟.

عبد العزيز : انا مب مصدج للحين ياحسن ....بس شسوي ؟؟....مب لاجي حل .

حسن : هدي أعصابك ياعبد العزيز ...أكيد في حل ....أنا حاس ان البنت تحبك ....بس في أحد جابرنها ع الزواج من عبدالله .

عبد العزيز : ابي احاجيها ياحسن ....بس موبايلها مغلق من العصر...مادري ليش.

حسن : ويمكن خايفة قلبها يضعف وترد عليك او تجولك كلام المفروض انه ماينجال وهي بها الوضع.

عبد العزيز : يعني تجصد ان شوج اتعمدت تسكر موبايلها عشان ماتضعف وترد علي؟؟ .

حسن : هذا اكيد ...وبعدين هذا دليل ان البنت محترمة وتقدر اهلها وايد .

عبد العزيز : وانا شو اسوي الحين ياحسن ؟؟....خلاص اتخلى عنها ...ماضنتي بجدر .

حسن : ماعندك حل الا تتصل بعواطف وتطلب منها توصلك رسالة كتابية لشوج ....فإذا شوج بالفعل تبيك بترد عليك وساعتها راح تضطر انك تستخدم كل الطرق عشان تلغي حفل ملجتها حتى لو اضطريت انك اتكلم عبدالله واما اذا ماتبيك انسحب من حياتها...واللي مايبانا مانباه.

عبد العزيز : وتبيني اوثق بعواطف مرة ثانية ؟؟.

حسن : مافي حل غيره ...شوج قفلت كل الطرق وماتمت الا عواطف .

عبد العزيز : طيب شو اكتب في الرسالة؟؟ .

حسن : انا بساعدك ...بس تو اتصل بعواطف وشوفها اذا بتوافق تقابلك الليلة .

عبد العزيز : تمام والله يستر .

حسن : عاد انت وشطارتك بإقناعها .

ياخذ عبد العزيز موبايله ويدج ع عواطف .

عواطف : الوو من معاي ؟؟.

عبد العزيز : انا عبد العزيز مال شناص ياعواطف .

عواطف : عزوزي كي انا مسحته رقمك ...تحسبتك زعلان مني ع اللي سويته .

عبد العزيز : انا بالفعل زعلان منج ياعواطف ...بس مب هاين علي أخليج لإني إرتحت لج ...عشان جيه حاب أعطيج فرصة ثانية .

عواطف : جد حبيبي ....وانا حاضرة اسويلك كل شيء تبيه ...بس تكون لي وترضى علي .

عبد العزيز : بصراحة ياعواطف انا ابي اوصل لشوج رسالة كتابية ....اجولها فيها اني ماأبيها وأباركلها بزواجها من عبدالله .

عواطف : يوووه وأنا أجول شوج ليش وافقت ع الزواج من عبدالله ....عشان تغيضك صح ؟؟.

عواطف : انزين ليش ماترسلها رسالة ع رقمها ..او تتصل فيها.

عبد العزيز : بصراحة مب طايج اسمع صوتها ...والكلام اللي ابي اجوله مايكفيه مسج.

عواطف : اهاااا فهمت.

عبد العزيز : عليج نور ...وأنا بصراحة مشتاجلج وابي اشوفج اليوم قبل باجر .

عواطف : جد أنا الحين في بيت عمتي ....وفي مسافة من بيتهم لبيتنا ...شو رايك نتقابل بعد ماطلع من عندهم ؟؟ .

عبد العزيز : تمااام ...منها أعطيج الرسالة لشوج ...ومنها أشوفج ياعمري .

عواطف : بس عاد ...أستحي .

عبد العزيز : ههههههه فديت الدلع كله .

عواطف : تمام عيل ...الاجيك بعد ساعة ....باي عمري .

عبد العزيز : باي ياعيوني .

يسكر عبد العزيز الخط ويطالع حسن .

حسن وهو مستغرب : من وين تعلمت هالرومانسية كلها؟؟ ...كي انا صدجت انك مشتاجلها .

عبد العزيز : اسكت أحس روحي بتطلع من محلها ....بجد خايف من ردة فعل شوج .

حسن : لاه انشالله خير .

عبد العزيز : تمام بس..!!.

حسن : يالله عيل ....جوم نروح لوى .

عبد العزيز : يالله بس اصبر اتكشخ بس ...عشان عواطف .

حسن : ههههههه وطلعت مب هين .

عبد العزيز : يابوك اللي يحب...مستعد يسوي أي شيء عشان الحبيب .

وينطلق حسن وعبد العزيز الى السيارة متجهين الى لوى .

(" أمر على الديار ديار ليلى **وماحب الديار شغفن قلبي ***أقبل ذا الجدار وذا الجدار **ولكن حب من سكن الديار" صار عبد العزيز يتردد ع ديار شوج ...ولكن هل سيكتفي بتقبيل الجدران؟؟ ...ياترى هل ستوصل عواطف الرسالة الى شوج ؟؟...وهل ستلغى حفل الملجة ؟؟...وهل سيفوز عبد العزيز بشوج ؟؟كل هذه التساؤلات اصبحت تشغل بالي مؤخرا...عسى ان نجد هذه الإجابات سريعا ).

.........................

في بيت ابو عبدالله .

.....................

عبدالله في غرفته جاعد يتصل بأخوه هزاع .

عبدالله : اسمع يالمزيون ...انا مالي دخل اذا طردوك من الجامعة .

هزاع : عادي فديتك ...فداك ترا الجامعة ومافيها ...بروح للدكتور مال محاضرة العصر وبجوله ...اخوي بيملج لازم اسافر .

عبدالله : انشالله يرضى ...يالله عيل حياك ...ماعندي رصيد ..ابي اتصل بشخص ثاني بعد .

هزاع : اهااا من عاد ؟؟...حبيبة القلب ...في حد يتصل بحبيبته وماعنده رصيد؟؟ .

عبدالله : نسيت اعبي رصيد ...حولي يالله .

هزاع : زين لاتعصب علينا بس ...بطرشلك فداك الرصيد وراعي الرصيد .

عبدالله : يالله حياك .

هزاع : حياك .

**راعيها عاشقها (ولد لوى)** · 03-08-2009, 11:19 PM

الفصل السادس والثلاثين

يسكر عبدالله موبايله ويرجع يتصل بشوج بس يظهر ان موبايل شوج مغلق ...يرجع يتصل مرة والموبايل مغلق .

عبدالله يرجع يتصل بهزاع : الوو.

هزاع : برسلك تو ...شوفيك ؟؟.

عبدالله : بس لاترسل ...موبايل شوج مغلق ....الظاهر نايمة مع انه تو الناس .

هزاع : ياحليلك ياعبود ...ماعلي أحسن لإن رصيدي بعد أبيه .

عبدالله : حشا حشا ...صج إنك زطي .

هزاع : فديت روحي طالع عليك .

عبدالله : يالله تصبح ع خير .

هزاع : وانت من اهله ...الحين بروح أجعد ع المسنجر ارمس بنت خالتي .

عبدالله : جد اشوف في تطور .

هزاع : لاااه اكلمها بصفتي واحد ثاني .

عبدالله : حرام عليك ....جاعد تختبر البنت ؟؟.

هزاع : زين حتى مامعطتني ويه ...أجوللها أنا أعرفج يابنت الناس ...وهي ولاهامنها .

عبدالله : البنية واثقة من نفسها ومن الناس اللي معطتنهم ايميلها....وبعدين خلها تركز ترى عندها إختبارات .

هزاع : مارمسها وايد ....بس ساعتين .......ههههههه يالله يالله بروح اشوفها .

عبدالله : يالله حياك .

هزاع : حياك ....ولاتخبر مريم اني سارق ايميل نورة من كمبيوترها ...ههههههه.

عبدالله : تمام .

ويغلق عبدالله الموبايل وباله مشغول مع شوج .

..............................

في بيت ام مراد .

.............................

كنت أشوفك شيء ثاني

شيء غير بها الوجود

شيء غيرلي كياني

كسر قيود وحدود

أغنية شيء ثاني لفرقة المزيود الحربية

شوج جاعدة تسمعها في الصالة

وفجأة تدش ام مراد عليها

ام مراد : السلام عليكم .

شوج : وعليكم السلام والرحمة .

ام مراد : وديت فستانج وباجر بيوصل ....تجربينه وتشوفينه اذا يناسبج.

شوج : تمام يمه .

ام مراد : وشفيج ياشوج ؟؟...كأنج مب فرحانة ...شو مامقتنعة بعبدالله .

شوج : شو هالسؤال المتأخر اوانه ...خلاص يمه .

ام مراد : براحتج يابنتي ...الله يوفجكم انتي واخوج وأشوف عيالكم قبل ماموت .

شوج والدمعة خانقتنها تجوم وتبوس راس امها : الله يطول بعمرج يايمه .

ام مراد : الله يخليج ...يالله انا بروح المطبخ اعابل شغل .

شوج : تمام يمه .

تطلع ام مراد واتم شوج وهي على وشك انها تصيح وتجول بخاطرها :

سبحان الله ياشوج ....ماحد حاس باللي بقلبج الا إنتي ...مادري ليش انا غير كل البنات ... مريم اعترف وجالت احب مراد وصفاء اعترفت وجالت وبكل ثقة احب فيصل حتى عواطف جالت احب فلان الا انا الغبية اللي حتى استحي اجول له أبيك وهذا مصيري .

( مو شرط الواحد يجول أحب بلسانه ويعنيها ياشوج....كل واحد عنده طريقته الخاصة عشان يعبر عن حبه ...مثل العين والإبتسامة والتصرفات والطبع وغيرها ).

......................

في مكان ثاني في لوى ...عبد العزيز واجف يتريا عواطف عشان يلتجي بها مثل ماإتفقوا ورفيجه حسن واجف في مكان بعيد بالسيارة .

وفجأة يلمح عبد العزيز عواطف مقبلة عليه وهي متغشية بشيلتها وجعد يلوحلها بإيده .

عواطف : السلام عليكم .

عبد العزيز : هلا ياروحي ...شخبارج ؟؟.

عواطف وهي تضرب عزوز بدلع ع كتفه : وين إنت مختفي عن ديارنا ؟؟...جمنا نشتاجلك ياخجاج.

عبد العزيز وبالمثل : أنا الخجاج ولا إنتي يالدلوعة ؟؟...شيلي هالغشوة ...ابي اشوف ويهج .

عواطف وهي تشيل الغشوة : هاااه ارتحت شفتني؟؟.

عبد العزيز :يالله أحس الروح ردتلي...فديتج وفديت دلالج .

عواطف : عطني الرسالة ...أخاف احد يشوفنا .

عبد العزيز : خذي هذي الرسالة ....توصلينها لها الليلة .

عواطف : تمام ياعمري ....يالله بروح .

يمسك عزوز عواطف من ايدها وبإبتسامة ساحرة : مافي تصبح على خير ياقلبي .

عواطف وبدلع : مابي أستحي .

عزوز : اوووف ...ماعلي وإنتي من أهله .

تروح عواطف بعد ماتحط الغشوة ع ويها وعبد العزيز يودعها برومانسية .

يتجه عبد العزيز للسيارة ويركب .

حسن : استغفرالله ...شو جاعدين تسووا هناك ؟؟...تراني شفت كل شيء .

عبد العزيز : شوف ايدي كيف ترجف من الخوف ...حاس نفسي جاعد أغلط بس شسوي مضطر.

حسن : ماعلي بس لاتعطيها ويه وايد ...لاتوديك بمصيبة .

عبد العزيز : حشا مابي اشوفها بعد هاليوم ابد .

حسن : ايه جيه ابيك ....ريال .

عبد العزيز : يالله سوج سوج ...هبابنا نوصل شناص .

حسن : تتذكر اول مرة تبعت فيها الرعبوب لين بيتها ....وكان ابوك بيروحنا فيها .

عبد العزيز : فديتها ماتوقعتها بتأسر قلبي بهالسهولة .

حسن : تعبتني وياك لين ماعترفت انك تحبها .

عبد العزيز وهو يضحك : هههههه ع الله بس ترد علي الليلة .....عشان اكلم هذاك الدب .

حسن : عندك رقمه؟؟ .

عبد العزيز : عندي رقم اخوه هزاع ...باخذه من عنده .

حسن : تمام ....بالتوفيج .

عبد العزيز : تمام .

وينطلق الشباب بسيارتهم الى شناص .

..........................

الساعة الثالثة والنصف ليلا في شناص في مجلس فلة الراهي حسن ...عبد العزيز وحسن جاعدين يسولفون.

.................................

عبد العزيز : حسن ماردت شوج علي للحين .

حسن وشكله نعسان : شوفيك إنت؟؟...يمكن عواطف ماوصلتلها الرسالة .

عبد العزيز : انا كاتب لشوج انه ردي علي قبل الساعة 3....واحين الساعة ثلاث ونص.

حسن : طيب يمكن ماجدرت توصلها الليلة ...باجر صدجني الصباح رباح.

عبد العزيز : حسوون حس فيني ...ترا اللي فيني كافيني ...وانا مب خلق نكت بايخة .

حسن : لا اله الا الله ....شوفيك ياولد الحلال؟؟...تراك مزودنها....انا جاعد الطف الجو عشان تهدي.

عبد العزيز : ياحسن اذا ماردت علي الليلة ....متى بترد ...وهي يم ريلها تلبسه الدبلة ؟؟.

حسن : هههههه والله حلوة ...ايوة جيه ابيك فرفش.

عبد العزيز وهو معصب : ناااام انت نااام ...أنا بتصل بهالغبية اشوفها اذا سلمت المسج .

يمسك عبد العزيز موبايله ويتصل بعواطف .

عبد العزيز : الوو عواطف .

عواطف : شوفيك متصل تو ؟؟؟الوقت متأخر.

عبد العزيز : اشتجتلج وبغيت أسالج اذا وصلتي الرسالة.

عواطف : توك شايفني ماشبعت ؟؟...ع العموم الرسالة وصلت ...وتو لازم اسكر عشان ماتصحى اختي .

عبد العزيز : تمااام عسولة ...أحلام سعيدة .

شوج وبدلع : جميعا ههههه.

يسكر عبد العزيز ويطالع حسن .

حسن : شو خير ؟؟.

عبد العزيز : سلمتها بس أكيد في شيء صاير مع شوج ...ليش ماترد؟؟.

حسن : يمكن المشكلة في موبايلها ...هدي أعصابك.

عبد العزيز يمسك راسه : يااااربي ياربي ...أنا شو أسوي تو ؟؟...والله ماجدر اناام.

حسن : انا متأكد ان شوج بترد عليك لإنها تحبك ....إنت بس نااام تو وريح بالك .

**راعيها عاشقها (ولد لوى)** · 03-08-2009, 11:23 PM

السلام عليكم ورحمة الله وبركاته

أنا نزلت لكم للجزء السادس والثلاثين ***وأنتظر ردودكم

وبالنسبة للقراء اللي حاسين إني معذبنكم ....صدجوني أنا مابي غير رضاكم
بس ترا الرواية قريبة من نهايتها ..............فخلوني أستانس بطلتكم الحلوة ومشاركاتكم

أرجوكم لاتزعلون علي .........ويكون بعلمكم الرواية أقل من ستين فصل ........عشان ترتاحوا

تمااااااااااااااااااااااااااااام ..........بس عشان ماتزعلوا

عزووووووووز

**أنـامـل طفلــة** · 04-08-2009, 12:38 AM

مشكوووووووووور ع مجهودك

بس ماحبيت شوج متكبره وشايفه نفسها لو جدامي ألحين بصفعها

بعدني ف الجزء 20

**بورش 09** · 04-08-2009, 01:08 AM

تسلم يالطيب ...... قصتك مره مشوقة . مخلنا ع اعصابنا.......... ننتظر بقية الاجزاء

**أنـامـل طفلــة** · 04-08-2009, 05:15 AM

خلصت أخيرا.....
ننتظرالباقي.......... لا تتأخرعلينا............... الأحداث وايد مشوقه

**BiNt3M@n1989** · 04-08-2009, 02:02 PM

مو نقوول مدحنااك ووايد يكفي عاد خخخ ..
قصه ورعه ...
نتااابع

**راعيها عاشقها (ولد لوى)** · 04-08-2009, 10:26 PM

الفصل السابع والثلاثين

عبد العزيز : لاه انت ناام ..انا بروح امشي في الحوش .

حسن : تمام سمي بالرحمن .

عبد العزيز : اوكي .

يطلع عبد العزيز من المجلس وبعيونه دمعة خانقتنه يحاول يغالبها لاتطيح على خدوده وتحرجه جدام رفيجه.

( اااه من قلب غدا حبه جنوني ....بصراحة حالة عبد العزيز تثير في النفس البكاء ...أتمنى ان عواطف سلمت الرسالة بالفعل ....لإن إذا تم الزواج أنا شخصيا بنصدم).

..........................

في اليوم التالي.

الساعة الثانية ظهرا والشمس تعلو في كبد السماء راسلة أشعتها الذهبية بخيوط من ضياء لتضفي الدفء والنشاط على الناس.

......................

في لوى في بيت ام مراد وبالتحديد في غرفة شوج.

.................

مريم وصفاء يالسات مع شوج اللي كانت جاعدة تجرب الفستان استعداد لحفل الخطوبة .

مريم : ياعيني ع الرشاقة ...بصراحة طالعة قمر.

صفاء : فديت رفيجتي ....جمال ودلال ودلع بعد.

شوج وهي شبه سرحانة وبعيونها حزن .

مريم : شوووج شوووج .

شوج وهي متفاجئة : شوفيج مريم ؟؟.

مريم : ليش سرحانة ؟؟.

صفاء : الظاهر ان شوج مب مصدجة انها اليوم بتصير زوجة عبدالله.

شوج وهي تبتسم : أكيد .

مريم : بعدين صح ليش موبايلج مغلق؟؟.

شوج وبتوتر : البارحة خلص الشحن والظاهر نسيت افتحه بعد ماشحنته.

مريم : عبود اتصل فيج البارحة ...ولقاه مغلق.

شوج : بروح افتحه.

تاخذ شوج الموبايل وتفتحه وفجأة يوصللها خمس مسجات اوف لاين.

صفاء : ياعيني ياعيني ...الظاهر محبين شوج كثر.

مريم وهي تطلع موبايلها من جنطتها : هذا هزاع يتصل ...غريبة شوفيه ؟؟...برد عليه.

هزاع : الووو مريم ....سنة لين ماتردي.
مريم : اسفة بس كنت حاطتنه صامت .

هزاع : انتي في بيت خالتي ام مراد؟؟.

مريم : هيه بس ليش؟؟.

هزاع : أنا جاعد أترياج برع بالسيارة...يالله طلعي بسرعة .

مريم : بس أنا جايلة لأمي اني بجعد اليوم بطوله عند شوج.

هزاع : يابنت الحلال إستأذني بسرعة ....بتعرفي السالفة في البيت .

مريم : اوكي يالله البس عباتي بس.

هزاع : تمام أترياج بسرعة.

تغلق مريم الخط وهي مستغربة .

شوج : شوفيج عسى خير؟؟.

مريم : لازم اروح البيت ...هزاع يترياني برع.

شوج : اوكي بس شو صاير؟؟.

مريم وهي تلبس عباتها : مارضى يجولي ...بشوف وبرد عليج ...يالله باي.

شوج وصفاء : باي.

تطلع مريم وشوج مستغربة الوضع وهي تجول بنفسها : انشالله كل شيء تمام بس .

صفاء : شوج ...الله يستر شو صاير في بيت عمج .

شوج وبعيونها دموع : أنا خايفة ياصفاء.

صفاء وهي تحظن شوج : شوفيج ؟...عسى خير ....لاتجعدي تضيجين بحالج.

شوج : تمام انشالله خير بس.

وفجأة موبايل شوج يرن .

ترد شوج : الووو عبدالله.

عبدالله : هلا شوج ...شخبارج اليوم؟؟.

شوج : الحمدلله تمام ...إنت شخبارك ؟؟.

عبدالله : نحمد الله ...شوج بغيت أجولج خبر يمكن يزعلج.

شوج : شو الخبر جول ؟؟...لاتخلني ع أعصابي.

عبدالله : شوج ...راح نضطر انا نلغي ملجتنا اليوم.

شوج وبإستغراب : وليش ؟؟..شو صار ؟؟.

عبدالله: بنت خالتي منار ...في المستشفى ويجولوا حالتها خطيرة .

شوج : مسكينة ...بس شو صار فيها ؟؟.

عبدالله : يجولوا إنها ممكن تكون محاولة إنتحار .... لإنها كانت ماكلة 12 حبة بندول مرة وحدة .

شوج : معجولة ....الله يقومها بالسلامة ....وبعدين منار بنية عاجلة ...ليش تفكر بالانتحار حل؟؟.

عبدالله : شوج انا مضطراسكر لاني لازم اروح البريمي ...ولما ارجع راح اجولج كل شيء.

شوج : اسمحلي عبدالله عطلتك... برايها الملجة اهم شيء صحة منار ...روح ووصل سلامي للخالة حليمة .

عبدالله : تمام حياتي باي...و على فكرة ترا امي كلمت امج وخبرتها عن الحادث .

شوج :تمام ... باي عبدالله .

تسكر شوج الخط وتطالع ع صفاء.

صفاء : راح تتأجل الملجة صح ؟؟.

شوج : هيه ياصفاء راح تتأجل .

صفاء : شو صار بالضبط؟؟...ومن منار هذي ؟؟.

شوج : هاذي بنت خالة عبدالله ..من البريمي ... يجول عبدالله انها ممكن تكون محاولة انتحار لإنها ماكلة 12 حبة بندول مرة وحدة.

صفاء : ياربي ...الله يعينها ويعين اهلها .

شوج : امين ...اسمحيلي صفاء تعبتج وياي اليوم.

صفاء : ولايهمج نحن ربع ...وإنشالله يكون اللي صار فيه خير عليج وعلى عبدالله.

شوج : آمين ...اروح أشلح هالفستان أحسنلي.

صفاء : طيب شوج ...أنا راح أضطر اني أستأذن تمام .

شوج : جاعدين ..تو الناس.

صفاء : لا أعتقد انج في الحالة تحتاجين انج تجعدين مع نفسج.

شوج : تمااام حبيبتي مع السلامة .

صفاء : الله يسلمج .

تطلع صفاء وشوج تتجه للحمام تغيرفستانها .

واثناء خروج صفاء من بيت ام مراد الا وعواطف داخلة البيت .

عواطف بدهشة : صفاااء.

صفاء : ويه عواطف .

البنات يتباوسون ويسلمون ع بعض.

عواطف : والله مب مصدجة اني شفتج يالجاطعة ...كيف متغيرة .

صفاء : فديتج حتى انا مب مصدجة ...اشوف كل رفيجات الدراسة هني .

عواطف : كنت ياية عند شوج تحضرين الملجة ؟؟.

صفاء :هيه حبيبتي ..بس الظاهر الملجة بتتأجل .

عواطف وبإستغراب : ليش؟؟.

صفاء : عندهم ظروف منعت الملجة .

عواطف : ويه عيل مايصير ادش وشوج بهالحالة ....إنتي رفيجتها ممكن توصليلها هالرسالة؟؟.

صفاء : هيه عادي افا عليج .

عواطف : تمام ومشكووووورة حبيبتي إنشالله نشوفج كل يوم ....تزوجتي لاه؟؟.

صفاء : لا تو الناس.

عواطف : اهاااا ...زين يالله عيل بخليج ...وسلمي ع شوج ...باي حبيبتي.

عواطف : بااااي.

تروح عواطف وترجع صفاء بيت شوج عشان تعطيها الرسالة .

تفتح شوج الرسالة بعد ماتروح صفاء وقد كتب فيها مايلي :

" مساءك سكر ...شوج أنا عبد العزيز ...شخبارج ؟؟...أنا اسف لإني خليت عواطف توصلج الرسالة وبصراحة أنا مالجيت طريقة غير هذي عشان أوصلج شعوري ....إنتي سكرتي كل الأبواب في ويهي ...شوج أنا مب مصدج للحين إنج راح تتزوجين عبدالله باجر...معجولة بتتخلي عني بهالسهولة ...أرجوج لاتفكرين حتى بهالشيء لإني ممكن أذبح نفسي اذا صار... شوج أنا أحبج وربي أموت فيج ...إذا كنتي بالفعل تبيني وتحبيني ....طرشيلي مسج فاضي قبل الساعة ثلاثة ....وأنا مستعد أذل نفسي لعبدالله عشان مايتزوجج....أرجوج أرجوج لو تحسين بأي شعور تجاهي جولي لإني بجد أموت فيج

ومستعد اسوي أي شيء عشان نكون مع بعض وربي شاهد ع كلامي"

بعد ماتخلص شوج قراءة الرسالة دموع عينها تسبق كلامها عشان تعبر عن شعورها تجاه عبد العزيز.

( تو الناس ياعواطف....وهذي الملجة تأجلت وتحققت أمانينا بس ياترى هل الأوان فايت ع الرد بالنسبة لعبد العزيز ...أنا أجول نروح شناص ونشوف شو آخر الأخبار).

**راعيها عاشقها (ولد لوى)** · 04-08-2009, 10:34 PM

السلام عليكم ....نزلت فصل وااحد ...أما باقي الاجزاء بنزلها باكراو اللي بعده بعده..لإني بعدني ماسويت عليها تشك ع الأغلاط والسبلنج .......تماااااااااام !!!

أما بالنسبة للأشخاص اللي يسألوني عن بعض اللقطات اللي تتكلم عن بعض الأشياء الخاصة بالبنات واللي صعب يعرفها اي شاب ...(((أقصد وصف الأزياء والمكياج وبعض السوالف))) وجيه ...
فالرد هو إني في بعض اللقطات أعتمد على أخواتي والبنات في الأسرة الكريمة وأسالهن وهن مايجصرن عسب يعطوني بعض التفاصيل اللي ماعرفها........وسلامتكم

لازم كاتب الرواية يعرف كل شيء .........إنشالله أكون عند حسن ضن الجميع
أي سؤال أنا حاضر بالرد**

وصح شو رايكم بالأجزاء الأخيرة ....((((رجاءا بدون مجاملات ))))***؟؟؟.

**أنـامـل طفلــة** · 04-08-2009, 10:48 PM

متابعين
القصه كلها ع بعضها حلللللللللللللللوه............ ثانكس مليون مره

إعـــــــلان

new NEW new NEW وحصريا** راعـــــــــي سمحة

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق