حبك اللي سطا في القلب كسّرت بابه
كيف تجبر مصابه وأنا قلبي عليل
كل ما شفت زولك بين عيني وهدابه
قلت يالله على شوفك يعين القتيل
مرة تزعل بلا سبه وكلك غرابه
ومرة تقفي وترحل وأنا بالي طويل
عمري ما شفت مثلك بين حب وصبابه
ماخذً في المحبه بين رغبة وبخيل
ليه؟! تحكم عليه حكم جاير مصابه
وانا ما أشوف غيرك في الحياة يستحيل
خذت قلبي وفؤادي وعمري كله وشبابه
حتى نبضه وقبضه سار لك يستميل
مقلق الفكر والقلْب بين ضيق ورحابه
لا تزيد المواجع والجمر والفتيل
جيت هطّالاً كمهل بين غيمة وسحابه
في ضما ارضك تلاقيني مخيلاً وسيل
شعر / يعقوب راشد سالم السعدي
